مەملەكەتتىك الەۋمەتتىك ساقتاندىرۋ قورىنان 216 922 ادامعا توتەنشە جاعداي كەزەڭىندە تابىسىنان ايىرىلۋىنا بايلانىستى (بۇدان ءارى – ماسق) الەۋمەتتىك تولەم تاعايىندالدى.
8 ساۋىردەگى ساعات 14:00-دەگى جاعداي بويىنشا توتەنشە جاعداي كەزەڭىندە تابىسىنان ايىرىلۋىنا بايلانىستى الەۋمەتتىك تولەم تاعايىنداۋ ءۇشىن 1 ملن 688 مىڭ 131 ازاماتتان بارلىعى 2 ملن 755 مىڭ 866 ءوتىنىش كەلىپ ءتۇستى. وسىلايشا 1 ملن 67 مىڭ 735 قايتالاناتىن ءوتىنىم تىركەلدى. ەڭبەك جانە حالىقتى الەۋمەتتىك قورعاۋ مينيسترلىگى وتىنىشتەردى قاراۋ مەرزىمدەرىنىڭ ۇلعايۋىنا جول بەرمەۋ ماقساتىندا ازاماتتاردان ءوتىنىشتى ءبىر رەت بەرۋلەرىن سۇرايدى.
دەرەكتەردى تەكسەرۋ جانە ءوتىنىشتى قاراۋ مەرزىمى 3 جۇمىس كۇنىن قۇرايدى. ماسق-تا تولەم جاساۋ تۋرالى شەشىم قابىلدانعاننان كەيىن ءوتىنىش بەرۋشىگە SMS-حابارلاما كەلەدى. كەيىننەن ءوتىنىش بەرۋشىنىڭ دەرەكتەرى «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق-عا جىبەرىلەدى, ول ونى ەكىنشى دەڭگەيدەگى بانكتەرگە تولەم جۇرگىزۋ ءۇشىن جىبەرەدى.
الەۋمەتتىك تولەم الۋعا ءوتىنىمدى eGov پورتالى, 42500.enbek.kz ۆەب-سايتى جانە https://t.me/Help42500Bot ادرەسى بويىنشا Telegram-بوت ارقىلى بەرۋگە بولادى.
ەستەرىڭىزگە سالا كەتەيىك, قولدانىستاعى قاعيدالارعا سايكەس توتەنشە جاعداي كەزەڭىندە قىزمەتتىڭ شەكتەلۋىنە بايلانىستى تابىسىنان ايىرىلعان جاعدايدا ءبىر ادامعا ماسق-تان ايىنا 42 500 تەڭگە مولشەرىندە بەرىلەتىن الەۋمەتتىك تولەم كەلەسى ساناتتارعا:
– شاعىن جانە ورتا كاسىپكەرلىك سۋبەكتىلەرىنىڭ جالاقىسى ساقتالمايتىن دەمالىستاعى قىزمەتكەرلەرىنە;
– كارانتين ەنگىزىلگەن ەلدى مەكەندەردە قىزمەتىن جۇزەگە اسىراتىن ءىرى كاسىپكەرلىك سۋبەكتىلەرىنىڭ جالاقىسى ساقتالمايتىن دەمالىستاعى قىزمەتكەرلەرىنە;
– مەملەكەتتىك مەكەمەلەردى قوسپاعاندا, كوممەرتسيالىق ەمەس زاڭدى تۇلعالاردىڭ جالاقىسى ساقتالمايتىن دەمالىستاعى قىزمەتكەرلەرىنە;
– جەكە كاسىپكەرلەرگە;
– جەكە پراكتيكامەن اينالىساتىن ادامدارعا (نوتاريۋس, جەكە سوت ورىنداۋشىسى, ادۆوكات, كاسىبي مەدياتور);
– بىرىڭعاي جيىنتىق تولەمدى تولەۋشىلەر بولىپ تابىلاتىن جەكە تۇلعالارعا;
– نىساناسى جۇمىستاردى ورىنداۋ (قىزمەتتەر كورسەتۋ) بولىپ تابىلاتىن ازاماتتىق-قۇقىقتىق سيپاتتاعى شارتتار بويىنشا تابىس تاباتىن, سالىق اگەنتتەرى ولار ءۇشىن مىندەتتى زەينەتاقى جارنالارىن اۋدارعان ادامدارعا جۇزەگە اسىرىلادى.