تۇركىستان وبلىسىنىڭ اكىمى ومىرزاق شوكەەۆ تۇركىستان قالاسىنىڭ اكىمى راشيد ايۋپوۆپەن جانە جاۋاپتى سالا جەتەكشىلەرىمەن بىرگە قۇرىلىس الاڭىندارىن ارالاپ, مەردىگەرلەرگە بىرقاتار تاپسىرمالار بەردى. شاھارداعى 15 نىساننىڭ قۇرىلىسى بيىل تولىق اياقتالىپ, پايدالانۋعا بەرىلەدى. بارلىق قۇرىلىس الاڭدارىندا سانيتارلىق شارالار كۇشەيتىلگەن.
اكىمشىلىك-ىسكەرلىك ورتالىعىندا 7 قاباتتى 24 تۇرعىن ءۇيدىڭ قۇرىلىسى جۇرگىزىلۋدە. 92,8 مىڭ ش.م, 1452 پاتەرلى جاڭا باسپانالار زاماناۋي تالاپتارعا سايكەس بوي كوتەرگەن. سونىمەن قاتار, 5157 پاتەرلى 5-7-9-12 قاباتتى 73 تۇرعىن ءۇيدىڭ قۇرىلىسى باستالدى. جەكە سالۋشىلار ارقىلى 5 جانە 12 قاباتتى 54 تۇرعىن ۇيلەردىڭ قۇرىلىسىن جۇرگىزۋ جوسپارلانۋدا. جىل قورىتىندىسىمەن تۇركىستاندا 420 پاتەرلى 9 تۇرعىن ءۇيدى پايدالانۋعا بەرىلەدى.
تۇرعىن ۇيلەردىڭ قۇرىلىس ساپاسى قاتاڭ باقىلاۋعا الىنعان. قۇرىلىس الاڭدارىن ارالاپ, جۇمىسشىلارمەن تىلدەسكەن ومىرزاق شوكەەۆ جاۋاپتىلارعا جۇمىستى كۇشەيتۋدى تاپسىردى. مەردىگەرلەرگە قوسىمشا جۇمىس كۇشىن تارتۋدى مىندەتتەدى.
«قۇرىلىس بارىسىندا ەشقانداي كەمشىلىككە ورىن جوق. تالاپ كۇشەيتىلەدى. جۇمىسكەرلەر سانى جۇمىسقا تۇساۋ بولماسىن. قاجەت بولعان جاعدايدا ولاردىڭ سانىن ارتتىرۋ كەرەك. قوسىمشا جۇمىس كۇشىن تارتىڭدار. قاۋىپسىزدىك ەرەجەلەرى دۇرىس ساقتالىپ, ساقتىق شارالارى قاتاڭ باقىلانسىن. قۇرىلىستىڭ ساپالى اياقتالۋىن, مەرزىمىندە تاپسىرۋدى قاداعالايمىز. قۇرىلىس ماتەريالدارى تاپشىلىعى ورىن السا, تاسىمالداۋ جاعىنا كومەك قولىن سوزامىز. قازىرگى توتەنشە جاعداي كەزىندە قوسىمشا قيىندىقتار ورىن السا, كەزەك كۇتتىرمەي شەشۋگە اتسالىسامىز», دەدى وبلىس اكىمى.