تۇركىستان وبلىسىنىڭ مەكتەپ ءبىتىرۋشى تۇلەكتەرى ۇبت سىناعىنا ۇيدەن شىقپاي ونلاين رەجيمدە دايىندالادى.
وبلىستىق قوعامدىق دامۋ باسقارماسى مەن «Ontustik» تەلەارناسى جانە ادامي الەۋەتتى دامىتۋ باسقارماسى بىرلەسە قولعا العان جاڭا جوبا 6 ساۋىردەن باستاپ ىسكە قوسىلاتىن بولادى. ونلاين ساباقتا ءوڭىردىڭ ەڭ ۇزدىك ۇستازدارى ءدارىس وقيدى.
ءاربىر ساباقتىڭ ۇزاقتىعى 20-30 مينۋتتى قامتىماق. وسى ۋاقىت ارالىعىندا ونلاين وقۋ باعدارلاماسىنا سايكەس ۇستازدار 2-3 تاپسىرمانى ءتۇسىندىرىپ وتەدى. كۇن سايىن ەكى ءپان بويىنشا ءدارىس بەرىلەدى دەپ جوسپارلانۋدا. جوبانى ازىرلەۋشىلەر ونلاين ساباقتار 11 سىنىپتىڭ وقۋ باعدارلاماسىنا نەگىزدەلگەنىن ايتۋدا.