مىسىردىڭ اسكەري بيلىگى جاڭا نارازىلىق شەرۋدىڭ قاۋىپىنە وراي مەملەكەت استاناسىندا قاۋىپسىزدىك شارالارىن كۇشەيتە ءتۇستى. بۇل تۋرالى يتار-تاسس حابارلاپ وتىر.
اسكەري تەحنيكا نارازىلىق وشاعى باسىلماي تۇرعان گيزا مەن مادينات-ناسەر اۋداندارىنا كىرگىزىلدى. مۇندا بەيسەنبى كۇنى پوليتسيا قىزمەتكەرى وققا ۇشقان بولاتىن. مىسىر ىشكى ىستەر مينيسترلىگى ءتارتىپ بۇزعاندارعا قارسى قارۋ قولدانىلاتىنىن ەسكەرتتى.
«مۇسىلمان باۋىرلار» قوزعالىسىنىڭ جاقتاۋشىلارى وزدەرىنىڭ باس يدەولوگتارى موحاممەد ال-بەلتاگيدىڭ تۇتقىندالۋى تۋرالى حاباردى ەستىگەن سوڭ جاڭا شەرۋ ۇيىمداستىرۋعا بەل بايلاعان كورىنەدى.
مىسىرداعى جاڭا نارازىلىق شەرۋلەرى بۇگىنگى جۇما نامازىنان كەيىن باستالادى دەپ كۇتىلۋدە.
ايدار ورىسباەۆ.