شىمكەنت قالاسى تۇرعىندارىنىڭ ءومىرىن جانە دەنساۋلىعىن قورعاۋ, كوروناۆيرۋس ينفەكتسياسىنىڭ تارالۋىنا جول بەرمەۋ ماقساتىندا, شاھارداعى قوعامدىق كولىكتەرگە كۇنىنە ەكى رەت دەزينفەكتسيالاۋ جۇمىستارى جۇرگىزىلۋدە.
– قالا اكىمى م.ايتەنوۆتىڭ تاپسىرماسىنا سايكەس, بيۋدجەتتەن قارجى قارالىپ, قوعامدىق كولىكتەر كۇندەلىكتى دەزينفەكتسيالانۋدا. شىمكەنت قالاسىنداعى دەزينفەكتسيالاۋ جۇمىستارى باعىتتاردىڭ جۇمىسى اياقتالعان سوڭ, كەشكى ۋاقىتتا اۆتوبازا اۋماعىندا جانە كۇندىزگى ۋاقىتتا باعىتتىڭ سوڭعى ايالدامالارىندا تۇراقتى اتقارىلۋدا, - دەيدى شىمكەنت قالاسى جولاۋشىلار كولىگى جانە اۆتوموبيل جولدارى باسقارماسى قوعامدىق كولىك ءبولىمىنىڭ باسشىسى ن. سۇگىراليەۆ.
سونىمەن قاتار مارشرۋتتارداعى كوندۋكتورلاردا ءار رەيس اياقتالعان سوڭ, اۆتوبۋس جانە شاعىن اۆتوبۋستاردىڭ سالوندارىن جۋ جۇمىستارى جۇرگىزىلۋدە.