ەلىمىزدە توتەنشە جاعداي كەزىندە تابىسىنان ايىرىلۋىنا بايلانىستى 64 259 ادام 42 500 تەڭگە كولەمىندە كومەك الدى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگى حابارلادى.
مەملەكەتتىك الەۋمەتتىك ساقتاندىرۋ قورىنان توتەنشە جاعداي كەزىندە تابىسىنان ايىرىلۋىنا بايلانىستى 64 259 ادام جاڭا الەۋمەتتىك تولەمدى الدى. 2 ءساۋىر ساعات 18:00-دەگى جاعداي بويىنشا eGov.kz ارقىلى تابىسىنان ايىرىلۋىنا بايلانىستى الەۋمەتتىك تولەم تاعايىنداۋ بويىنشا 22 928 ادام جۇگىندى, ونىڭ ىشىندە 3 438 ادام تولەمىن الدى.
سونىمەن قاتار مەملەكەتتىك الەۋمەتتىك ساقتاندىرۋ قورى توتەنشە جاعدايعا بايلانىستى تابىسىنان ايىرىلۋ بويىنشا الەۋمەتتىك تولەمدەردى بىرىڭعاي جيىنتىق تولەمدى تولەۋشى بولىپ تابىلاتىن 60 821 ادامعا تاعايىندادى جانە اۋداردى. ولاردىڭ ىشىندە, نۇر-سۇلتان قالاسىنان - 1 521, الماتى قالاسىنان - 3 500, شىمكەنت قالاسىنان – 8 037, تۇركىستان وبلىسىنان – 6 321 جانە الماتى وبلىسىنان – 13 548 ادام العان.
تولەمدى تاعايىنداۋ پرواكتيۆتى فورماتتا, ياعني ازاماتتاردىڭ ءوتىنىشىنسىز جۇزەگە اسىرىلدى. تولەمدى سوڭعى 12 ايدا كەمىندە 1 رەت بجت تولەگەن ادامدار الدى.
ەستەرىڭىزگە سالا كەتەيىك, توتەنشە جاعدايلار كەزىندە تابىسىنان ايىرىلۋ جاعدايىنا بايلانىستى ماسق-تان الەۋمەتتىك تولەم مولشەرى ءبىر ادامعا ايىنا 42,5 مىڭ تەڭگەنى (ەڭ تومەنگى جالاقى) قۇرايدى, ول كەلەسى ساناتتاعى ازاماتتارعا تاعايىندالادى: - ورتا, شاعىن جانە ميكروبيزنەس سۋبەكتىلەرىنىڭ قىزمەتكەرلەرى; جەكە كاسىپكەرلەر; جەكە پراكتيكامەن اينالىساتىن ادامدار (نوتاريۋس, جەكە سوت ورىنداۋشىسى, ادۆوكات, كاسىبي مەدياتور); بىرىڭعاي جيىنتىق تولەمدى تولەۋشىلەر; نىساناسى جۇمىستاردى ورىنداۋ (قىزمەتتەر كورسەتۋ) بولىپ تابىلاتىن ازاماتتىق-قۇقىقتىق سيپاتتاعى شارتتار بويىنشا تابىس تاباتىن, سالىق اگەنتتەرى ولار ءۇشىن مىندەتتى زەينەتاقى جارنالارىن اۋدارعان ادامدار; كارانتين ەنگىزىلگەن ەلدى مەكەندەردەگى ءىرى بيزنەس سۋبەكتىلەرىنىڭ قىزمەتكەرلەرى.
ەسكە سالا ەتسەك, بۇگىن شىمكەنتتەگى اقپاراتتىق-كوممۋنيكاتسيالىق ورتالىقتا وتكەن بريفينگتە قالا اكىمىنىڭ ورىنباسارى ماقسۇت يساحوۆ 42 500 تەڭگە كولەمىندەگى الەۋمەتتىك جاردەماقى الۋدىڭ تەتىگى جەڭىلدەتىلگەنىن اتاپ وتكەن بولاتىن.
- پرەزيدەنت قاسىم-جومارت توقاەۆ توتەنشە جاعداي كەزىندە تابىسىنان ايىرىلۋىنا بايلانىستى 42 500 تەڭگە جاردەماقى الاتىن ازاماتتاردىڭ ءتىزىمى كەڭەيتىلەتىنىن مالىمدەگەنى بەلگىلى. وسىعان وراي اتالعان جاردەماقىنى تولەۋدىڭ ءتارتىبى بارىنشا جەڭىلدەتىلدى, - دەدى ماقسۇت پەرنەباي ۇلى.
شىمكەنت