قبتۋ قازاقستاندىق تەڭىز اكادەمياسىنىڭ 24 كادەتى مەن 2 وقىتۋشى-وفيتسەرى 46 كۇن ىشىندە سينت-مارتەن كاريب ارالىنان ازور ارالدارىنا دەيىن اتلانتيكالىق مۇحيتتى كەسىپ ءوتىپ, نيدەرلاندىعا ءساتتى ورالدى. بۇل تۋرالى ءسىم ءباسپاسوز قىزمەتى حابارلادى.
جوسپار بويىنشا ولار 16 اقپاندا سينت-مارتەن كاريب ارالىنان باستاپ, اتلانتيكا ارقىلى ازور ارالدارىنا دەيىن جەتىپ, 16-17 ناۋرىزدا سول جەردەن فرانكفۋرت ارقىلى ەلگە ۇشىپ كەلۋى ءتيىس ەدى. بىراق COVID-19 كوروناۆيرۋسىنىڭ جىلدام تارالۋى ولاردىڭ قايتۋىنا كەدەرگى بولدى. ازور ارالدارىنان تۇراقتى اۆيارەيستەر توقتاتىلعاننان كەيىن كوماندا ولاردىڭ «ەيندراحت» جەلكەن كەمەسىنىڭ روتتەردامداعى (نيدەرلاندى) تىركەۋ پورتىنا قايتا ورالۋعا شەشىم قابىلدادى.ءجۇزۋ بارىسىندا كەمە 12 بالدىق داۋىلعا ۇشىراپ, ءبىزدىڭ جاس تەڭىزشىلەر رۋحتىڭ بەرىكتىگىن جانە قولايسىز جاعدايلاردا كوماندامەن جۇمىس ىستەي بىلەتىندىگىن كورسەتتى. نيدەرلاند ەكيپاجى اتاپ وتكەندەي, ولار قازاقستاندىق كادەتتەردىڭ كومەگىنسىز وسىنداي داۋىلدان ءوتۋى قيىن بولار ەدى.بارلىق سىناقتاردان وتكەن ءبىزدىڭ كادەتتەر فرانتسيانىڭ بوليو-سيۋر-مەر قالاسىنا امان-ەسەن جەتىپ, ول جەردەن قازاقستاننىڭ فرانتسيا مەن بەلگياداعى ەلشىلىكتەرىنىڭ كۇشىمەن امستەردام قالاسىنا جەتكىزىلدى.ءبىزدىڭ ديپلوماتتار ءبىرىنشى كۇننەن باستاپ بالالار مەن ولاردىڭ اتا-انالارىمەن بايلانىستا بولدى. قازىرگى ۋاقىتتا ولار امستەردام قوناق ۇيىندە ورنالاستىرىلىپ, قازاقستانعا جاقىن ارادا قايتۋىن كۇتۋدە.