الماتى وبلىسىندا «جۇمىسپەن قامتۋدىڭ جول كارتاسى» اياسىندا بولىنگەن قاراجاتتىڭ 54 پايىزى وڭىردەگى الەۋمەتتىك-مادەني سالانىڭ ماسەلەسىن شەشۋگە باعىتتالماق. ماسەلەن, وسى قارجىعا وڭىردەگى مەكتەپ جەتىسپەۋشىلىگىن جويۋدىڭ ءساتتى مۇمكىندىگى تۋاتىن سياقتى. ويتكەنى, ايماق بويىنشا سالىنىپ جاتقان 16 مەكتەپكە قوسىمشا تاعى 7 مەكتەپتىڭ قۇرىلىسى باستالاماقشى. بۇل قوسىمشا 10,2 مىڭ بالانى ورىنمەن قامتىماق.
جالپى, «جۇمىسپەن قامتۋدىڭ جول كارتاسى» اياسىندا بولىنگەن قاراجاتتى ءتيىمدى يگەرگەن جاعدايدا بيىل جەتىسۋدا 23 مەكتەپتى ىسكە قوسۋعا بولادى ەكەن. ال بۇل ءۇش اۋىسىمدى مەكتەپ سانىن ازايتۋعا جول اشپاق. قازىر وبلىستا 32 ءۇشاۋىسىمدى مەكتەپ بار.
ايتپاقشى, بولىنگەن قارجى مەكتەپ قۇرىلىسىنان بولەك جەرگىلىكتى جەردەگى مەديتسينا مەكەمەلەرىن جاڭا عيماراتپەن قامتۋعا مۇمكىندىك بەرمەك. بۇگىندە ايماقتاعى 5 اۋىلدا دارىگەرلىك امبۋلاتوريا سالۋ جوسپارلانىپتى. سونداي-اق «جۇمىسپەن قامتۋدىڭ جول كارتاسى» اياسىندا وڭىردەگى 53 ەلدى مەكەننىڭ سۋمەن جابدىقتاۋ نىساندارى قايتا جاڭارتىلىپ, جوندەلمەك. تاعى 84 ەلدى مەكەندە اباتتاندىرۋ جۇرگىزىپ, 220 ەلدى مەكەننىڭ 500 شاقىرىم جولىن جاساۋ دا وسى قاراجاتتىڭ ەسەبىنەن جوسپارلانعان ەكەن.
الماتى وبلىسى