1 ساۋىردەگى جاعداي بويىنشا مۇناي باعاسى 1 باررەلى 22 دوللارعا دەيىن تومەندەدى. بۇل تۋرالى ۇكىمەت وتىرىسىندا ۇلتتىق ەكونوميكا ءمينيسترى رۋسلان دالەنوۆ ايتتى.
«سىزدەردىڭ قاراۋلارىڭىزعا 2020 جىلعا ارنالعان ماكروەكونوميكالىق كورسەتكىشتەر مەن بيۋدجەت پارامەترلەرى بولجامىن ناقتىلاۋ, سونداي-اق «ۇلتتىق قوردان 2020-2022 جىلدارعا ارنالعان كەپىلدەندىرىلگەن ترانسفەرت تۋرالى» زاڭعا وزگەرىس ەنگىزۋ تۋرالى» پرەزيدەنت جارلىعىنىڭ جوباسى ەنگىزىلىپ وتىر. بولجامدى ناقتىلاۋدىڭ نەگىزگى فاكتورلارى – تۇراقسىز سىرتقى ەكونوميكالىق جاعداي, بايقالىپ وتىرعان جاھاندىق رەتسەسسيا جانە كوروناۆيرۋستىڭ تارالماۋى بويىنشا قورعاۋ شارالارى اياسىندا ىسكەرلىك بەلسەندىلىكتىڭ باياۋلاۋى», دەدى رۋسلان دالەنوۆ ۇكىمەت وتىرىسىندا.
ونىڭ ايتۋىنشا, جىل باسىنان بەرى مۇناي باعاسى 66%, مەتالدار 16%, الەمدىك دەرجاۆالىق يندەكستەر ورتاشا ەسەپپەن 21 %-عا تومەندەدى.
«بيىلعى جىلعى 1 ساۋىردەگى جاعداي بويىنشا مۇناي باعاسى 1 باررەلى 22 دوللارعا دەيىن تومەندەدى. وسىنى ەسكەرە وتىرىپ, وسى جىلدىڭ ءساۋىر-جەلتوقسانعا مۇنايدىڭ ورتاشا باعاسى 1 باررەلى 20 دوللار دەڭگەيىندە انىقتالدى. دوللاردىڭ ەسەپتى باعامى 440 تەڭگە دەڭگەيىندە جانە جىلدىق ينفلياتسيا 9-11% ارالىعىندا ەسەپكە الىندى. باعانىڭ تومەندەۋى اياسىندا مۇناي ءوندىرۋ بويىنشا بولجام 86 ملن تونناعا دەيىن ازايتىلدى. بۇل تاۋ-كەن ونەركاسىبى ءوندىرىسىنىڭ تومەندەۋىنە اكەلەدى», دەدى مينيستر.