بۇگىن ماجىلىستە «قازاقستان رەسپۋبليكاسىندا بەيبىت جينالىستاردى ۇيىمداستىرۋ جانە وتكىزۋ ءتارتىبى تۋرالى» زاڭ جوباسىن ەكىنشى وقىلىمدا قاراۋعا ازىرلەۋ بارىسىندا ونىڭ قولدانىستاعى نورمالارىن تالقىلاۋ بويىنشا كەزەكتى شارا ءوتتى. بۇل تۋرالى پارلامەنت ءماجىلىسىنىڭ ءباسپاسوز قىزمەتى حابارلادى.
كارانتين رەجيمىنىڭ كۇشەيۋىنە بايلانىستى قاتىسۋشىلاردىڭ بارلىعى اۋديو- جانە بەينە كونفەرەنتسيالار ارقىلى پىكىر الماستى.
ءماجىلىس دەپۋتاتتارى مەن زاڭ جوباسىن ازىرلەۋشىلەردەن باسقا, ازاماتتىق جانە عىلىمي قوعامداستىق وكىلدەرى قاتىسقان ءىس-شارانى باسقارعانجۇمىس توبىنىڭ جەتەكشىسى, ءماجىلىس دەپۋتاتى قانات مۋسين. تالقىلاۋ بارىسىندا بەيبىت جينالىستاردى ۇيىمداستىرۋشىلاردىڭ مىندەتتەرىنە قاتىستى ماسەلەلەرگە باسا نازار اۋدارىلدى. ادام قۇقىقتارى مەن زاڭدىلىقتى ساقتاۋ جونىندەگى قازاقستان حالىقارالىق بيۋرو ديرەكتورى ەۆگەني جوۆتيس, «قازاقستاننىڭ ازاماتتىق اليانسى» زتب پرەزيدەنتى اسىلبەك قوجاحمەتوۆ, قوعام قايراتكەرلەرى مۇحتار تايجان مەن مۇرات ابەنوۆ, ساياساتتانۋشى ەرلان سايروۆ, جوعارى زاڭ مەكتەبىنىڭ دەكانى ساۋلە اماندىقوۆا ءوز ويلارىمەن ءبولىستى.
كەلەسى جۇمىس توپتارىنىڭ تالقىلاۋىنا ءماجىلىس توراعاسى نۇرلان نىعماتۋلين زاڭ جوباسىن ءبىرىنشى وقىلىمدا قاراۋ بارىسىندا نازار اۋدارعان نورمالار تۇسەدى.