مەملەكەتتىك الەۋمەتتىك ساقتاندىرۋ قورىنان تج كەزەڭىندە تابىسىنان ايىرىلۋىنا بايلانىستى 1 205 ادام جاڭا الەۋمەتتىك تولەمدى الدى, دەپ حابارلادى ۆەدومستۆونىڭ ءباسپاسوز قىزمەتى.
31 ناۋرىز ساعات 18-دەگى جاعداي بويىنشا تابىستان ايىرىلۋىنا بايلانىستى الەۋمەتتىك تولەمدەر تاعايىنداۋعا جالپى العاندا 11115 ادام جۇگىنگەن. ونىڭ ىشىندە:
– نۇر-سۇلتان – 3885;
– الماتى – 3575;
– شىمكەنت – 80;
– اقمولا – 121;
– اقتوبە – 206;
– الماتى – 125;
– اتىراۋ – 10;
– شقو – 27;
– جامبىل – 237;
– بقو – 50;
– قاراعاندى – 261;
– قوستاناي – 1772;
– قىزىلوردا – 111;
– ماڭعىستاۋ – 9;
– پاۆلودار – 481;
– سقو – 14;
– تۇركىستان – 151.
تولەمدى 1 205 ادام الدى.
ەستەرىڭىزگە سالا كەتەيىك, توتەنشە جاعدايلار كەزىندە تابىسىنان ايىرىلۋ جاعدايلارىنا بايلانىستى ماسق-تان الەۋمەتتىك تولەم مولشەرى ايىنا 42,5 مىڭ تەڭگەنى قۇرايدى (ەڭ تومەنگى جالاقى), ول كەلەسى ساناتتاعى ازاماتتارعا تاعايىندالادى:
- ورتا, شاعىن جانە ميكروبيزنەس سۋبەكتىلەرىنىڭ قىزمەتكەرلەرى;
- جەكە كاسىپكەرلەر (بۇدان ءارى – جك);
- جەكە پراكتيكامەن اينالىساتىن ادامدار (نوتاريۋس, جەكە سوت ورىنداۋشىسى, ادۆوكات, كاسىبي مەدياتور) (بۇدان ءارى – جپ);
- بىرىڭعاي جيىنتىق تولەمدى تولەۋشىلەر (بۇدان ءارى – بجت);
- نىساناسى جۇمىستاردى ورىنداۋ (قىزمەتتەر كورسەتۋ) بولىپ تابىلاتىن ازاماتتىق-قۇقىقتىق سيپاتتاعى شارتتار (بۇدان ءارى – اقس) بويىنشا تابىس تاباتىن ادامدار, سالىق اگەنتتەرى ولار ءۇشىن مىندەتتى زەينەتاقى جارنالارىن اۋدارعان جەكە تۇلعالار كىرەدى.
- كارانتين ەنگىزىلگەن ەلدى مەكەندەردەگى ءىرى بيزنەس سۋبەكتىلەرىنىڭ قىزمەتكەرلەرى.
الەۋمەتتىك جاردەماقىلاردى تاعايىنداۋ ءۇشىن جۇمىس بەرۋشىلەر وتىنىشپەن قىزمەتكەرلەردىڭ ءتىزىمىن عانا ۇسىنادى; جك, جپ, اقس جانە بجت تولەۋشىلەر جەكە دەرەكتەردى كورسەتە وتىرىپ, تەك ءوتىنىش بەرەدى.
سونداي-اق, قىزمەتكەر جۇمىس بەرۋشىنىڭ ءوتىنىش بەرۋىن كۇتپەي-اق ءوتىنىشتى ءوزى بەرە الادى.
سونىمەن بىرگە بارلىق ءوتىنىش بەرۋشىلەر توتەنشە جاعدايدىڭ ەنگىزىلۋىنە بايلانىستى كىرىستەردى جوعالتۋ فاكتىسىنىڭ دۇرىستىعى ءۇشىن وزىنە جاۋاپكەرشىلىك الادى.
ءوتىنىش «ەلەكتروندىق ۇكىمەت» ۆەب-پورتالىندا «ەلەكتروندىق ءوتىنىش» سەرۆيسى ارقىلى ەلەكتروندىق فورماتتا بەرىلەدى.
الەۋمەتتىك تولەم تاعايىنداۋ ءۇشىن قىزمەتكەردىڭ (جك جانە جپ دەربەس) مەملەكەتتىك الەۋمەتتىك ساقتاندىرۋ قورىنا (اقس ءۇشىن – بجزق-عا جارنالار) سوڭعى 12 ايدا كەمىندە 1 رەت الەۋمەتتىك اۋدارىمدار جاساۋى جەتكىلىكتى بولادى.
ماسق-تان الەۋمەتتىك تولەمدى تاعايىنداۋعا ۇمىتكەر ازاماتتارعا الەۋمەتتىك اۋدارىمدار نەمەسە زەينەتاقى جارنالارىنىڭ بار-جوعىن دالەلدەۋدىڭ قاجەتى جوق, بۇنى اۆتوماتتى تۇردە «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق تەكسەرەدى.
وتىنىمدەردى قاراۋ جانە الەۋمەتتىك تولەمدى تاعايىنداۋ مەرزىمى قىسقارتىلدى, 3 جۇمىس كۇنىن قۇرايدى.