تۇركىستان وبلىسى تۇلكىباس اۋدانىندا مەديتسينالىق بەتپەردەنىڭ تاپشىلىعىن جويۋ ماقساتىندا ناتيجەلى جۇمىستار اتقارىلۋدا.
اۋدان اكىمدىگى ەرىكتى تۇرعىندار مەن كاسىپكەرلەردى جانە ءبىلىم وردالارىنداعى ەڭبەك ءپانىنىڭ مۇعالىمدەرىن قاجەتتى قۇرال-جابدىقتارمەن قامتاماسىز ەتۋ ارقىلى بەتپەردەلەر تىگۋدى قولعا العان بولاتىن. بۇگىندە سول جۇمىستىڭ ناتيجەسىنە اۋدان تۇرعىندارى كۋا بولۋدا. مىسالى, كۇنى كەشە 112 مىڭنان استام حالقى بار اۋداننىڭ 15 اۋىلدىق وكرۋگىندە 62 مىڭنان استام مەديتسينالىق بەتپەردە تەگىن تاراتىلدى. تاراتۋ جۇمىسىنا اكىمدىك قىزمەتكەرلەرى مەن ەرىكتىلەر جۇمىلدىرىلعان. وسىلايشا تۇلكىباستىقتار بىرلەسە بەتپەردە تاپشىلىعىن شەشۋگە ءوز ۇلەستەرىن قوسۋدا.
تۇركىستان وبلىسى