تۇركىستان قالاسىنىڭ تۇرعىنى وزبەكستان رەسپۋبليكاسىندا وندىرىلگەن بەتپەردەلەردىڭ 1 داناسىن 150 تەڭگەدەن ساتقان. ونىڭ زاڭسىز ارەكەتىن قارجى مينيسترلىگى قارجى مونيتورينگى كوميتەتىنىڭ وبلىس بويىنشا ەكونوميكالىق تەرگەۋ دەپارتامەنتى قىزمەتكەرلەرى انىقتاپ, جەدەل ىزدەستىرۋ شاراسى بارىسىندا كۇدىكتى رەتىندە 1990 جىلى تۋعان ايەل ۇستالدى.
مەملەكەتتىك كىرىستەر دەپارتامەنتىنە كاسىپكەر رەتىندە تىركەلمەگەن جانە ەشقانداي قۇجاتى جوق كۇدىكتىدەن جالپى كولەمى 1 ميلليون 250 مىڭ تەڭگە بولاتىن 8350 دانا مەديتسينالىق بەتپەردە تاركىلەندى. ەلدەگى توتەنشە جاعداي كەزىندە زاڭسىز ارەكەتكە بارعان ازاماتشا اكىمشىلىك قۇقىقبۇزۋشىلىق كودەكسىنىڭ 463-بابى 1-بولىگىنە سايكەس, اكىمشىلىك جاۋاپكەرشىلىككە تارتىلدى. قازىرگى تاڭدا تاركىلەنگەن مەديتسينالىق بەتپەردەلەردى وبلىستىق قوعامدىق دەنساۋلىق ساقتاۋ باسقارماسىنا وتكىزۋ ماسەلەسى قاراستىرىلۋدا.
تۇركىستان وبلىسى