ءبىزدىڭ قازاق بيلىكقۇمار. اتتەڭ, شەن-شەكپەن شەكتەۋلى. ايتپەسە ءبارىمىزدىڭ باستىق بولعىمىز بار. وسىمىز ەندى ورىنسىز. اقىلدى ازاماتتار اتقا مىنسە, ارمانىڭ نە؟!
ءوسىپ جاتقانداردىڭ كوبى – ولەرمەندەر. ويتكەنى ولاردىڭ ورەسى تار بولعانىمەن ءورىسى كەڭ كەلەدى. كوكتەگى كۇنگە شىلىم تۇتاتقانداي كۇيدەگى كوكەلەرىنىڭ كومەگىمەن ءمانساپتىڭ مايلى جىلىگىن ۇستايدى. قابىلەت كەمدىگىنە قارامايدى. سودان ەلدى سورلاتادى. كەۋدەسىنە كىسىلىك قونباعان كەشەگى ۇلتانق ۇلدىڭ ۇردا-جىق ۇرپاقتارى تىزگىن ۇستاعان سوڭ, تىرلىگىمىز قايدان وڭسىن؟
اتام قازاق ءالىن بىلمەگەن الەكتەرگە الىمساقتان ءسوز ارناعان. ەڭ الدىمەن, ەسكەرتكەن: «قولىڭ كوتەرمەس شوقپاردى بەلىڭە بايلاما».
شامانى بىلۋگە شاقىرعان: «كورپەڭە قاراي كوسىل».
كەيدە قاتتى كەتكەن: «كوكقارعا ك...ە قاراماي اۋليە اعاشتىڭ باسىنا قونادى».
جەتەمىزگە ءبارىبىر جەتپەپتى.
قۇلاش جەتپەستى قۇشاقتاۋعا ءالى قۇمارمىز.
كەيبىر شەنەۋنىكتەر شەكتەن شىقتى. تاق تالاسىندا ەشتەڭەدەن تايىنبايدى. جەمقورلىق, پاراقورلىق, رۋشىلدىق, جىكشىلدىك, كوررۋپتسيا دەيسىڭ بە, جالعاننىڭ جارىعىنداعى جاعىمسىز قۇبىلىستاردىڭ بارلىعى جايلى ورىنداردا وتىرعان جۋان ءدۇمدi مىرزالاردىڭ اينىماس سەرىگىنە اينالادى. وبال بارىن ويلامايدى. جەكە باستىڭ پايداسى ءۇشىن جۇگىرگەندە, الدارىنا جان سالمايدى. قاراۋىنداعىلاردى قان قاقساتادى.
- مەنىڭ اعام ايتپاقشى: قاراپايىم حالىق جۇدەپ-جاداپ ءبىتتى, ال ارىقتاعان ءبىر اكىم جوق...
ۇلىقتاردان ۇيات كەتكەن زامان بولدى بۇل.
ۇلت ۇپايىنىڭ ازىرگە تۇگەندەلەتىن ءتۇرى جوق.
Here?
مەنىڭ دە سونى بىلگىم كەلەدى...