جەر جانناتى – جەتىسۋدا... جازيرالى جاركەنت جاعىندا تاڭعاجايىپ تال بار. ءبىر... ەكى عاسىر... ا, بالكىم, ودان دا كوپ جاساعان جارىقتىقتىڭ الىپ دىڭگەگىن قۇشاقتاۋعا التى-جەتى ادامنىڭ كۇلاشى ارەڭ جەتەدى. جۇرت ونى اۋليەاعاش دەپ اتايدى. تۇبىنەن كوز جاسىنداي مولدىرەپ تۇمانىڭ تۇنىق سۋى اعادى.
جەر جانناتى – جەتىسۋدا... جازيرالى جاركەنت جاعىندا تاڭعاجايىپ تال بار. ءبىر... ەكى عاسىر... ا, بالكىم, ودان دا كوپ جاساعان جارىقتىقتىڭ الىپ دىڭگەگىن قۇشاقتاۋعا التى-جەتى ادامنىڭ كۇلاشى ارەڭ جەتەدى. جۇرت ونى اۋليەاعاش دەپ اتايدى. تۇبىنەن كوز جاسىنداي مولدىرەپ تۇمانىڭ تۇنىق سۋى اعادى.
الىپ داراقتىڭ اينالاسى كىشىگىpىم توعاي تارىزدەس. جاسىل باق جايقالىپ ءتۇر. كوكجەلەك كوركىنە كوز ءسۇيسىنىپ, كوڭىل سەمىرگەندەي.
ەڭ عاجابى, الگى جاس وسكىندەر جاپاتارماعاي باستارىن ءيىپ, كارى اعاشقا قاراي مايىسا وسكەن. ادەتتە وسىمدىك اتاۋلى كوكتەگى كۇن كوزىنە قاراي مويىن سوزۋشى ەدى. مىنالاردىكى قىزىق...
نەگە ەكەنىن قايدام, ماعان وسى كورىنىس قازاقستاننىڭ قازىرگى جاعدايىن ەلەستەتەدى. جەتپىس جەتى اتاسى وسى توپىراقتا ءوسىپ ونگەن قازاقتار – جاڭاعى قاسيەتتى قاراعاش, ال ونىڭ جان جاعىنداعى جايقالعان جاس اعاشتار تاعدىردىڭ جازۋىنان ەلىمىزدى مەكەن ەتىپ جاتقان ءتۇرلى ۇلتتىڭ وكىلدەرى سەكىلدى...
...شىركىن, ءبىزدىڭ ءتىلى باسقا, تىلەگى ءبىر اعايىندارىمىز قيىن-قىستاۋ ۋاقىتتاردا وزدەرىن باۋىرعا باسقان قارا شاڭىراقتىڭ بايىرعى يەسى – قازاق حالقىنىڭ قادىر-قاسيەتىن ءدال وسى اۋليەاعاش تۇبىندەگى تالدارداي باعالاي بىلسە عوي!