الماتىدا كوروناۆيرۋستىڭ بۇدان ءارى ەتەك جايماۋى ءۇشىن بارلىق سالادا ءتارتىپ كۇشەيتىلگەنى بەلگىلى. وسى رەتتە مەگاپوليستەگى تاكسي قىزمەتىنىڭ جۇمىسىنا دا بىرقاتار شەكتەۋلەر قويىلدى.
ارناۋلى مامانداردىڭ حابارلاۋىنشا, شاھاردا رەسمي تۇردە تىركەلگەن تاكسي قىزمەتتەرى جۇمىسىن جالعاستىرا بەرەدى. تەك ولارعا قويىلاتىن سانيتارلىق تالاپتار كۇشەيتىلىپ وتىر. ايتالىق, ارنايى قىزمەت كورسەتەتىن جەڭىل كولىككە ەكى جولاۋشىدان ارتىق ادام وتىرماۋعا ءتيىس.
– ارنايى قىزمەت كورسەتەتىن جەڭىل كولىكتە جۇرگىزۋشىنى قوسقاندا, ەكى ادامنان ارتىق جولاۋشى بولماۋى كەرەك, جولاۋشىلار ءبىر-بىرىنەن بارىنشا الشاق وتىرۋى ءۇشىن ولار شاحمات تارتىبىمەن (قيعاش) ورنالاسۋى كەرەك. جەڭىل كولىكتەر جەكە قورعانىس قۇرالدارىمەن (مەديتسينالىق ماسكا جانە انتيسەپتيكتەرمەن) قامتاماسىز ەتىلۋى قاجەت. جۇرگىزۋشى مىندەتتى تۇردە ماسكا تاعىپ وتىرۋى ءتيىس, – دەپ حابارلادى الماتى قالالىق تاۋارلار مەن قىزمەتتەر ساپاسىن جانە قاۋىپسىزدىگىن باقىلاۋ دەپارتامەنتى.