تۇركىستان وبلىسىندا مەكەمە قىزمەتكەرلەرىن سانيتاريالىق-ەپيدەميولوگيالىق جانە دەزينفەكتسيالىق رەجيمدە جۇمىس ىستەۋگە بەيىمدەۋ ماقساتىندا وقىتۋ ساباقتارى جۇرگىزىلۋدە. سونداي شارانىڭ ءبىرىن «ۇلتتىق ساراپتاما ورتالىعى» رەسپۋبليكالىق مەملەكەتتىك كاسىپورنىنىڭ «تۇركىستان وبلىسى بويىنشا دەزينفەكتسيا ورتالىعى» مەن وبلىستىق «جاستار رەسۋرستىق ورتالىعى» جانە «اقپاراتتىق تالداۋ ورتالىعى» كمم بىرلەسىپ ۇيىمداستىردى.
ساباققا اتالعان ورتالىقتاردىڭ قىزمەتكەرلەرى مەن ەرىكتى جاستار قاتىستى. ايتا كەتەلىك, وڭىردە قازىرگە دەيىن ادام كوپ شوعىرلاناتىن 2481 نىساندا قورىتىندى دەزينفەكتسيالاۋ جۇمىستارى جۇرگىزىلگەن. ونىڭ ىشىندە بازارلار, حالىققا قىزمەت كورسەتۋ, ساۋدا ورتالىقتارى, تاماقتانۋ نىساندارى, جالپى ءبىلىم بەرەتىن مەكتەپتەر, ينتەرناتتار مەن مەكتەپكە دەيىنگى بالالاردى وقىتۋ مەن تاربيەلەۋ مەكەمەلەرى بار. سونداي-اق, 3 بالالار ءۇيى, 29 ورتا جانە جوعارى وقۋ ورىندارى, 285 ەمدەۋ الدىن الۋ مەكەمەلەرى, 5 وڭالتۋ ورتالىعى, 135 ءدارىحانا, 28 اۆتوۆوكزال, 85 ءدىني مەشىت, 39 مونشا, 6 ساياباق, 6 مال بازار, 323 قوعامدىق كولىك تە دەزينفەكتسيالاۋدان وتكەن.
تۇركىستان وبلىسى