“ەگەمەن قازاقستان” گازەتى رەداكتسياسىنىڭ عيماراتىندا ونەركاسىپ تاقىرىبىنا ماماندانۋشى قازاق ءتىلدى جۋرناليستەر ءۇشىن وتكىزىلگەن شىعارماشىلىق كونكۋرستىڭ لاۋرەاتتارى ماراپاتتالدى.
تۇڭعىش رەت ونەركاسىپ تاقىرىبىنا ماماندانۋشى قازاق ءتىلدى جۋرناليستەرگە ارنالعان شىعارماشىلىق كونكۋرستى ENRC (ەۋرازيالىق تابيعي رەسۋرستار كورپوراتسياسى) ءمان “ەگەمەن قازاقستان” رەسپۋبليكالىق گازەتى” اكتسيونەرلىك قوعامى بىرلەسىپ ۇيىمداستىرعان بولاتىن. كونكۋرس ماقساتى مەملەكەتتىك تىلگە ناقتىلى قولداۋ كورسەتۋ, ونەركاسىپ تاقىرىبىنا قالام تارتىپ جۇرگەن قازاق ءتىلدى جۋرناليستەردىڭ كاسىبيلىگىن ارتتىرۋ, مەديا سالادا جاڭا ەكونوميكالىق ويلاۋدى قالىپتاستىرۋ.
“جۇزدەن جۇيرىك, مىڭنان تۇلپاردى” انىقتاۋ سەنات دەپۋتاتى, كورنەكتى پۋبليتسيست قۋانىش سۇلتانوۆ باستاعان ادىلقازىلار القاسىنا جۇكتەلدى. قاتىسۋشىلاردىڭ ءسوز ساپتاۋىنداعى كاسىبي شەبەرلىك پەن جاريالانىمداردىڭ وزەكتىلىگى باستى ولشەمگە الىنىپ, قاتىسۋشىلاردىڭ 8-ءى جۇلدەگەر اتاندى.
ماراپاتتاۋ راسىمىندە ءسوز العان “ەگەمەن قازاقستان” رەسپۋبليكالىق گازەتى” اق پرەزيدەنتى ساۋىتبەك ابدراحمانوۆ بۇل كونكۋرستىڭ جۋرناليستەر شىعارماشىلىعىنا دەم بەرەتىن باستاما ەكەندىگىن العا تارتىپ, مەملەكەتتىك تىلگە كورسەتىلىپ وتىرعان ناقتى قامقورلىق ءۇشىن ENRC كومپانياسىنىڭ باسشىلىعىنا العىسىن جەتكىزدى. “كەزىندە مەملەكەتتىك سىيلىق العاندا اتاقتى اقىنىمىز قادىر مىرزاليەۆتىڭ: “سىيلىق دارىن قوسپايدى, بىراق ارىن قوسادى”, دەگەنى بار ەدى. سول سياقتى, بۇگىنگى سىيلىقتىڭ دا سىزدەرگە ارىن قوسقانىن قالار ەدىك, ويتكەنى ونەركاسىپ تاقىرىبىن يگەرۋ جونىندە قازاق جۋرناليستيكاسىنىڭ الار اسۋلارى بارشىلىق”, دەدى باسىلىم باسشىسى.
كونكۋرس ناتيجەسىندە ءبىرىنشى ورىنعا جانە 500 مىڭ تەڭگە مولشەرىندەگى اقشالاي سىيلىققا “ەگەمەن قازاقستان” گازەتى باس رەداكتورىنىڭ ورىنباسارى سەيفوللا شايىنعازى, ارقايسىسى 300 مىڭ تەڭگە كولەمىندەگى ەكىنشى سىيلىقتارعا “جاس قازاق” گازەتىنىڭ ەكونوميكا جانە تالداۋ ءبولىمىنىڭ رەداكتورى گۇلزات سماعۇلوۆا (نۇرمولداقىزى) جانە “ايقىن” گازەتىنىڭ استانا قالاسى بويىنشا مەنشىكتى ءتىلشىسى ايحان ءشارىپ يە بولدى. “مۇنايلى استانا” گازەتىنىڭ (اتىراۋ وبلىسى) باس رەداكتورى قۇتتىكەرەي سماديار, اقمولا وبلىستىق “ارقا اجارى” گازەتىنىڭ ءتىلشىسى شىنار بايتىقوۆا, “قازاقستان تەمىر جولى” اق ءباسپاسوز قىزمەتىنىڭ قىزمەتكەرى ەسكەندىر ەرتاەۆقا نوۋتبۋكتەر تاپسىرىلدى. ال ارناۋلى اقشالاي سىيلىقتاردى پاۆلودار وبلىستىق “سارىارقا سامالى” گازەتىنىڭ شولۋشىسى نۇربول جايىقباەۆ پەن ماڭعىستاۋ وبلىستىق “ماڭعىستاۋ” گازەتىنىڭ شولۋشىسى ابدىعالىم ساركەنوۆ يەلەندى.
وسى ورايدا ENRس كومپانياسىنىڭ ونەركاسىپ تاقىرىبىنا ماماندانۋشى قازاق ءتىلدى جۋرناليستەر ءۇشىن ءۇش كۇندىك ارنايى سەمينار ۇيىمداستىرعانىن دا اتاپ ءوتۋ قاجەت.
ۆەنەرا تۇگەلباي.