تۇتاس مەملەكەت بولىپ توتەنشە جاعداي جاريالاپ, ىندەتپەن ارپالىسىپ جاتقاندا, پەندەشىلىككە بوي الدىرىپ ءوزىنىڭ باس پايداسىن كوزدەگەندەردىڭ ارەكەتى ازايماي تۇر. ول ازاماتتار جاعدايدىڭ قانشالىقتى اۋىر ەكەنىن سەزىنسە يگى. ماسەلەن الماتى پوليتسياسى كۇنى كەشە ازاماتتاردى جولدىڭ توسقاۋىلىنان اينالما جولدار ارقىلى الىپ ءوتۋدى بيزنەسكە اينالدىرماق بولعان كولىك جۇرگىزۋشىلەرىنىڭ ارەكەتىنە توسقاۋىل قويدى.
بىزگە بەرىلگەن مالىمەت بويىنشا, ءتارتىپ ساقشىلارى وسىنداي ماقساتقا مالدانعان بەس ادامدى قولعا ءتۇسىردى. ۇستالعاندار ازاماتتاردى اقشاسىن تولەگەن جاعدايدا وتكىزۋ بەكەتىنەن اينالىپ ءوتىپ, قالاعا الىپ كىرۋگە ۋادە بەرگەن.
– ولار ءوز قىزمەتىنىڭ اقىسىن ءار ادامعا 3 مىڭنان 5 مىڭ تەڭگەگە دەيىن باعالاعان. ەر ادامدار ۇستالدى جانە قر اكىمشىلىك قۇقىق بۇزۋشىلىق تۋرالى كودەكسىنىڭ 476-بابى «توتەنشە جاعدايدى بۇزۋ» بويىنشا قىلمىستىق جاۋاپكەرشىلىككە تارتىلدى. الماتى قالاسىنىڭ مامانداندىرىلعان اۋدانارالىق اكىمشىلىك سوتىنىڭ شەشىمىمەن, اتالعان ادامدارعا ايىپپۇل سالىندى. ونداي ارەكەتتەردىڭ پايداسىز ەكەنىن جانە ەش ناتيجە بەرمەيتىنىن اتاپ وتكىم كەلەدى. توتەنشە جاعداي كەزىندە وڭاي اقشا تاپقىسى كەلەتىندەرگە جاۋاپكەرشىلىكتى ۇمىتپاۋ تۋرالى ەسكەرتەمىن. مۇنداي ارەكەتتەردىڭ جولى بىردەن كەسىلەدى», – دەدى ناۋرىزباي اۋداندىق پوليتسيا باسقارماسىنىڭ باسشىسى ديدار احانوۆ.
ەستە بولسا, كۇنى كەشە قالا قاقپاسىنا قويىلعان بلوك-بەكەتتەن 2 مىڭ تەڭگەگە وتكىزبەك بولعان قىزمەتكەردىڭ ارەكەتى اشكەرەلەنىپ, جاۋاپكەرشىلىككە تارتىلعان ەدى. وسىعان بايلانىستى الماتى پوليتسيا دەپارتامەنتى ازاماتتاردى زاڭعا باعىنۋعا جانە كەدەرگىلەردەن ءوتۋدىڭ زاڭسىز جولدارىن ىزدەمەۋگە شاقىرادى.