الماتى قالالىق اكىمشىلىك پوليتسيا باسشىسى جاندوس مۇراتاليەۆ الەۋمەتتىك جەلى قولدانۋشىلارىنىڭ بلوك-بەكەتتەردەن قالاعا كىرۋ ءۇشىن ازاماتتار اقشا بەرىپ وتكەنى جايىنداعى شاعىمىنا جاۋاپ قايتاردى.
العاشقى كۇندەرى تۇسىنبەۋشىلىك بولعانىمەن, بۇگىندە بلوك-بەكەتتەردىڭ جالپى جۇمىسى تۇراقتاندى. مۇراتاليەۆتىڭ ايتۋىنشا, قالاعا كىرگىزۋ ءۇشىن 2000 تەڭگە العان قىزمەتكەر بۇگىندە اكىمشىلىك جاۋاپكەرشىلىككە تارتىلعان.
«قازىر قالاداعى بارلىق ءدارىحانا مەن بەلگىلى ءبىر ازىق-ت ۇلىك نىساندارى جۇمىس ىستەگەنى بولماسا, بارلىق قىزمەت كورسەتۋ ورىندارى جابىق. سوندىقتان قالاعا كىرۋدىڭ قاجەتتىلىگى شامالى. ەگەر ءبىز بارلىق ساقتىق شارالارىن ساقتاپ, ۇيدە وتىراتىن بولساق, بۇل ىندەتتى تەزىرەك اۋىزدىقتايتىنىمىز انىق. بارىڭىزگە ۇيدەن شىقپاۋعا كەڭەس بەرەمىن», دەدى جاندوس مۇراتاليەۆ.
سونداي-اق پوليتسيا باسشىسى اۆتوكولىكتەرمەن قالاعا كىرۋ وتكەن كۇندەردەگى سەكىلدى تەك تەكسەرۋ جۇرگىزىلگەننەن كەيىن جانە الماتىدا رەسمي تىركەۋى بار ازاماتتارعا عانا رۇقسات ەتىلەتىنىن ايتتى. بلوك-بەكەتتەر جۇمىس ىستەگەن ساتتەن بەرى قالاعا 28 960 اۆتوكولىك (ونىڭ ىشىندە, جەڭىل كولىكتەر – 23 744, شاعىن اۆتوبۋستار – 907, جۇك كولىگى – 4309, بارلىعى 59 975 ادام بولعان) كىرگەن.
– الماتى قالاسىنىڭ تۇرعىندارى بولىپ تابىلمايتىن 2765 اۆتوكولىكتىڭ يەلەرى ءارتۇرلى سەبەپتەر بويىنشا جول جۇرۋدەن باس تارتقان. دەسە دە, بلوك-بەكەتتەر ارقىلى مەديتسينالىق مەكەمەلەردىڭ 8 385 قىزمەتكەرى, اكىمدىك قىزمەتكەرلەرى جانە قالانىڭ تىنىس-تىرشىلىگىن قامتاماسىز ەتەتىن باسقا دا وكىلدەر سەس قىزمەتكەرلەرىنىڭ تەكسەرۋىنەن وتەدى. ەگەر ولاردان اۋرۋ بەلگىلەرى, جوعارى دەنە قىزۋى بايقالماسا, قالاعا وتۋىنە بولادى, – دەپ اتاپ ءوتتى ج. مۇراتاليەۆ.
اۆتوكولىكتەردىڭ قالادان الماتى وبلىسىنا قاراي كەدەرگىسىز ءجۇرۋى جۇزەگە اسىرىلىپ, بۇگىندە قالادان بارلىعى 23 555 اۆتوكولىك (ونىڭ ىشىندە, جەڭىل كولىكتىڭ سانى – 19 392, شاعىن اۆتوبۋستار – 746, جۇك كولىكتەرى – 3417, وندا 50 209 ادام) شىعىپ ۇلگەردى.