الماتى قالالىق پوليتسيا دەپارتامەنتى اكىمشىلىك پوليتسيا باسقارماسىنىڭ باسشىسى جاندوس مۇراتاليەۆ بلوك-بەكەتتەردىڭ جۇمىسى جايلى ايتىپ بەردى.
مۇراتاليەۆتىڭ سوزىنشە, ازىرگە بلوك-بەكەتتەر ارقىلى زات الىسۋعا بولادى. الماتى وبلىسىنىڭ اۋماعىنا كىرەتىن قالاعا جاقىن اۋىلداردىڭ تۇرعىندارى پوست بەكەتتەرگە ءوز وتىنىشتەرىمەن تولاسسىز كەلىپ جاتقان كورىنەدى. ولاردىڭ قاتارىندا بوسانۋ مەرزىمى جاقىنداعان جۇكتى ايەلدەر دە بار. كوپشىلىگى قالالىق ەمحانالاردا بوسانامىن دەپ جوسپارلاعاندار. ءتارتىپ ساقشىلارى مۇنداي جاعدايلارعا بارىنشا تۇسىنىستىك تانىتۋعا تىرىسىپ باعۋدا.
– ماسەلەن مەن وسى جەردە تۇرعاندا 60 جاستاعى ادام كەلىپ 80 جاستاعى اناسىنا تالعار قالاسىنا ءدارى بەرۋى كەرەكتىگىن ايتىپ ءوتىنىش جاسادى. بۇل دارىلەر سول جاقتاعى ءدارىحانالاردا جوق ەكەن. مۇنداي جاعدايدا ارينە, ءبىز تۇسىنىستىكپەن قاراپ, تاۋاردى بەرىپ جىبەرەمىز. مىسالى, اۋرۋحانادان شىققان الماتى وبلىسىنىڭ تۇرعىندارى ءوتىپ جاتىر. ياعني, 100 پايىز وتكىزبەيدى دەگەن تۇسىنىك جوق. بەكەت ارقىلى وتپەك بولعان ءار ادامنىڭ ماسەلەسىن جەكە قاراۋعا تىرىسىپ جاتىرمىز», - دەيدى جاندوس مۇراتاليەۆ.
ەسكە سالساق, 22 ناۋرىزدان باستاپ قالاعا كىرىپ-شىعۋعا مۇلدە تىيىم سالىنادى. سول ۋاقىتتان باستاپ شارالار كۇشەيتىلە تۇسپەك.