21 جانە 25 ناۋرىز ارالىعىندا الماتى قالاسىنداعى اقشا ايىرباستاۋ ورىندارى ساعات 10.00-دەن 16.00-گە دەيىن عانا جۇمىس ىستەيدى. بۇل جونىندە قالا اكىمدىگىنىڭ ءباسپاسوز قىزمەتى حابارلادى.
مۇنداي شەشىمدى الماتىداعى كوروناۆيرۋس تارالۋىنىڭ الدىن الۋ جونىندەگى ايماقتىق جەدەل شتاب قابىلداعان. بۇگىندە دوللور باعامىنىڭ كۇرت وسۋىنە بايلانىستى شەتەل ۆاليۋتاسىن ساتىپ الۋشىلاردىڭ سانى ارتىپ وتىر.
اكىمدىكتىڭ حابارلاماسىندا: «قالاداعى اقشا ايىرباستاۋ ورىندارىنىڭ جۇمىس ۋاقىتىنا شەكتەۋ ەنگىزىلدى. 2020 جىلدىڭ 21 ناۋرىزىنان 25 ناۋرىزىنا دەيىن بارلىق اقشا ايىرباستاۋ ورىندارى, ونىڭ ىشىندە ەكىنشى دەڭگەيلى بانكتەر دە ساعات 10.00-دەن 16.00-گە دەيىنگى جۇمىس كەستەسىنە كوشەدى», دەپ جازىلعان.
ەستە بولسا, بۇعان دەيىن نۇر-سۇلتان قالاسىنداعى اقشا ايىرباستاۋ ورىندارى دا جۇمىس ۋاقىتىن وزگەرتىپ, 21-25 ناۋرىز ارالىعىندا ساعات 10:00-دەن 16:00-گە دەيىنگى جۇمىس كەستەسىنە كوشكەن بولاتىن.