الماتى قالاسى اكىمدىگىنىڭ مالىمەتىنشە, مەگاپوليستەگى اۋماعى 2 مىڭ شارشى مەتردەن اساتىن بارلىق ساۋدا ۇيلەرى مەن ساۋدا ويىن ساۋىق ورتالىقتارى جابىلدى. مۇنداي شارا ادامداردىڭ جينالۋىنا جول بەرمەۋ ءۇشىن قابىلداندى. الايدا, وسى ورتالىقتاردا ورنالاسقان سۋپەرماركەتتەر, ءدارىحانالار مەن ەكىنشى دەڭگەيلى بانكتەر جۇمىسىن جالعاستىرادى.
سونداي-اق, قوعامدىق تاماقتانۋ ورىندارى, مەيرامحانالار ءوز جۇمىسىن توقتاتادى. ولارعا تەك تاماقتى ۇيگە جەتكىزىپ بەرۋ ارقىلى قىزمەت كورسەتۋگە رۇقسات ەتىلەدى. ءوز جۇمىسىن سۇلۋلىق سالوندارى, سپورت زالدارى, SPA-ورتالىقتارى دا توقتاتۋى ءتيىس.
اۋدان اكىمدەرى مەن پروكۋرورلار كارانتين رەجيمىن ساقتاۋدى قاتاڭ باقىلاماق. ولار بيزنەس نىساندارىنىڭ ەنگىزىلگەن رەجيم تالاپتارىن ورىنداعانىن نە ورىنداماعانىن تەكسەرەدى. جاڭا ەرەجەلەردى ەلەمەگەندەرگە اكىمشىلىك جاۋاپكەرشىلىك قاراستىرىلعان.