بيىل سىردىڭ باس قالاسى – قىزىلوردا قالاسىنا 195 جىل. وسى رەتتە مەرەكە قارساڭىندا قالاداعى كوركەيتۋ, كوگالداندىرۋ, اباتتاندىرۋ جۇمىستارى قارقىندى جۇرگىزىلۋدە. بۇل تۋرالى قالا اكىمىنىڭ ءباسپاسوز حاتشىسى بالدىرعان مامەن حابارلادى.
قالا اكىمدىگىندە وتكەن ماجىلىستە قالالىق تۇرعىن ءۇي-كوممۋنالدىق شارۋاشىلىق, جولاۋشىلار كولىگى جانە اۆتوموبيل جولدارى ءبولىمىنىڭ باستىعى مارسبەك مولداباەۆ شاھار كۇنى مەرەكەسىنە بايلانىستى بىرقاتار ىستەردىڭ قولعا الىنعانىن اتاپ ءوتتى. قازىردىڭ وزىندە 27 اللەيا مەن سكۆەرلەردى ەڭبەككەرلەر جاسىل-جەلەككە بولەۋ ۇستىندە.سونىمەن بىرگە, جىبەك جولى كوشەسى مەن استانا داڭعىلى بويلارىنا گۇلدەر وتىرعىزىلىپ, كوشە بويىنداعى ەلەكتر باعانالارىنا گلوبۋس تارىزدەس گۇلمەن كومكەرىلگەن شارلار ورناتىلۋدا. جاڭا ايالدامالار ورناتىلىپ, قالانىڭ تەمىر جول ۆوكزالى اۋماعىندا كەڭەيتۋ جانە اباتتاندىرۋ جۇمىستارى جۇرگىزىلۋدە.مۇنان وزگە 40 كوشەگە جارىقتاندىرۋ جۇرگىزىلىپ, قالا اۋماعىنداعى اللەيالار مەن سكۆەرلەر اۋماعىنا جاڭا ۇلگىدەگى جارىق باعانالارى ورناتىلۋدا.ال وسى جۇمىستاردىڭ الدىندا قالانىڭ نەگىزگى جىبەك جولى كوشەسى قايتا جاڭعىرتۋدان وتكەن ەدى.
بۇگىنگى كەزدەرى تاسبوگەت قىستاعىنداعى «ناۋرىز», «تاسارىق» شاعىن اۋداندارى, تەمىر جولدىڭ ارعى بەتىندەگى تايمانوۆ كوشەسى بويىنداعى كوپقاباتتى تۇرعىن ۇيلەر اۋماعى, «مەرەي» شاعىن اۋدانى جانە قالا ىشىندەگى 42 اۋلا اباتتاندىرىلدى. سونداي-اق, بالالاردىڭ بوس ۋاقىتىن ءتيىمدى ۇشتاستىرۋ ءۇشىن 23 تۇرعىن ءۇي اۋلالارىنا سپورت الاڭدارى سالىناتىن بولىپ ۇيعارىلدى.
ءامىرحان الماعانبەتوۆ.