ازاماتتار حالىققا قىزمەت كورسەتۋ ورتالىقتارى مەن مەملەكەتتىك مەكەمەلەرگە جۇگىنبەي, 80 پايىزدان استام مەملەكەتتىك قىزمەتتەردى ۇيدەن شىقپاي-اق ەلەكتروندى تۇردە الا الادى. بۇل تۋرالى مەملەكەتتىك قىزمەت ىستەرى اگەنتتىگىنىڭ توراعاسى انار جايىلعانوۆا مالىمدەدى.
- دۇنيەجۇزىلىك دەنساۋلىق ساقتاۋ ۇيىمىنىڭ كوروناۆيرۋستى پاندەميا دەپ جاريالاۋىنا جانە ەل پرەزيدەنتىنىڭ توتەنشە جاعدايدى ەنگىزۋىنە بايلانىستى مەملەكەتتىك اقپاراتقا حالىق تىنىس-تىرشىلىگىنىڭ بارلىق سالالارىنىڭ ۇزدىكسىز جۇمىسىن قامتاماسىز ەتۋ بويىنشا ۇلكەن جاۋاپكەرشىلىك جۇكتەلگەن. بۇگىن ءبىز جاڭا تالاپتار جاعدايىندا بارىنشا بىرلەسە وتىرىپ الدىن الا ارەكەت ەتۋىمىز كەرەك. بۇعان ءبىزدىڭ مەملەكەت باسشىمىز شاقىرۋدا. بۇل كۇندەرى ءبىزدىڭ ازاماتتار حالىققا قىزمەت كورسەتۋ ورتالىقتارى مەن مەملەكەتتىك مەكەمەلەرگە جۇگىنبەي, قاجەتتى كورسەتىلەتىن قىزمەتتەر كولەمىن الۋلارىن قامتاماسىز ەتۋ ءۇشىن مەملەكەتتىك قىزمەتشىلەر بارىنشا ۇيلەسىمدى جۇمىس ىستەۋلەرى كەرەك. قازىرگى ۋاقىتتا مەملەكەتتىك كورسەتىلەتىن قىزمەتتەردى ەلەكتروندى فورماتقا كوشىرۋ بويىنشا مەملەكەتتىك ورگانداردىڭ بەلسەندى قىزمەتىنىڭ ارقاسىندا ازاماتتار ۇيدەن شىقپاي-اق ەلەكتروندى تۇردە 80 پايىزدان استام مەملەكەتتىك قىزمەتتى الۋعا مۇمكىندىگى بار, - دەدى مەملەكەتتىك قىزمەت ىستەرى اگەنتتىگىنىڭ توراعاسى انار جايىلعانوۆا
سونداي-اق ول توتەنشە جاعداي كەزەڭىندە ازاماتتاردىڭ جايلىلىعى مەملەكەتتىك ورگانداردىڭ جۇمىسىنا بايلانىستى ەكەنىن اتاپ ءوتتى.
- ازاماتتاردىڭ مەملەكەت قىزمەتتى قاشىقتان الۋى, سونىڭ ىشىندە وتىنىشتەردى مەملەكەتتىك ورگانداردىڭ call-ورتالىقتارى جانە ونلاين قابىلداۋ ارقىلى قابىلداۋ ءۇشىن اقپاراتتىق جۇيەلەر مەن پورتالداردىڭ ۇزدىكسىز جۇمىس ىستەۋىنە ەرەكشە نازار اۋدارۋ قاجەت, - دەدى ول.