الماتى قالاسىنىڭ اكىمى باقىتجان ساعىنتاەۆ قالادا ەنگىزىلگەن كارانتين رەجيمىنە قاتىستى پىكىر ءبىلدىردى.
- مەن توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسياعا قالادا كارانتين ەنگىزۋ تۋرالى ۇسىنىس ەنگىزدىم. بۇل شەشىم ءبىر ساعات بۇرىن قابىلداندى. قالادا كارانتين 19 ناۋرىزدا تۇنگى ساعات 00:00-دەن باستاپ ەنگىزىلەدى. الماتىداعى كارانتيننىڭ باستى ماقساتى - ينفەكتسيانىڭ تارالۋىن توقتاتۋ. مىندەت قالانىڭ سىرتقى پەريمەترىن قاتاڭ باقىلاۋعا الۋ جانە قالا ىشىندە قاتاڭ كارانتين رەجيمىن ەنگىزۋ ارقىلى ينفەكتسيانىڭ تارالۋ جولىن توقتاتۋ, - دەدى باقىتجان ساعىنتاەۆ.