«قتج» ۇك» اق اعىمداعى جىلدىڭ قاڭتارىنان باستاپ كوروناۆيرۋستىڭ الدىن الۋ جونىندەگى ەرتەرەك ارەكەت ەتۋ شارالارى قابىلدانىپ جاتىر. بۇل تۋرالى «قازاقستان تەمىر جولى» ۇك» ءباسپاسوز قىزمەتى حابارلادى.
«قتج» ۇك» اق قىزمەتكەرلەرىنىڭ COVID-19 كوروناۆيرۋسىمەن اۋىرىپ جاتقانى جونىندەگى كەلىپ تۇسكەن باق ساۋالدارىنا كەلەسىنى حابارلايمىز:
ماسكەۋ – نۇر – سۇلتان جانە فرانكفۋرت – نۇر – سۇلتان رەيسىمەن ۇشقان كومپانيانىڭ بىرنەشە قىزمەتكەرى ۇشاقتا كوروناۆيرۋسپەن اۋىرعان جولاۋشىلار بولعاندىقتان, ولارعا ءۇي كارانتينى بەلگىلەنگەن.
COVID-19 بويىنشا تەست ولاردىڭ ىندەت جۇقتىرماعاندىعىن كورسەتكەن. دەي تۇرعانمەن, ولار قازىر ءۇي كارانتينىندە. بۇگىنگى تاڭدا «قتج» ۇك» اق كوروناۆيرۋسپەن اۋىرعاندار جوق.
اعىمداعى جىلدىڭ قاڭتارىنان باستاپ, «قتج» ۇك» اق كوروناۆيرۋستىڭ الدىن الۋ بويىنشا الدىن الۋ شارالارى قابىلدانۋدا ەكەندىگىن قوسىمشا حابارلايمىز. سونىمەن, 2020 جىلدىڭ 1 اقپانىنان باستاپ دوستىق ستانتسياسىنا دەيىن الماتى – ءۇرىمشى جانە نۇر – سۇلتان – ءۇرىمشى جولاۋشىلار پويىزدارىنىڭ ءجۇرۋ باعىتتارى قىسقاردى.
نۇر – سۇلتان قالاسى بويىنشا قازاقستان رەسپۋبليكاسىنىڭ دەنساۋلىق ساقتاۋ مينيسترلىگىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىمەن بىرلەسە جولاۋشىلاردان نەمەسە قىزمەت كورسەتەتىن پەرسونالدان كوروناۆيرۋس كۇدىگىن انىقتاعان كەزدە پويىز بريگاداسى قىزمەتكەرلەرىنىڭ ءىس-ارەكەتتەرى ءتارتىبىن رەگلامەنتتەيتىن نۇسقاما ازىرلەندى.
«جولاۋشىلار تاسىمالى» اق جولاۋشىلار پويىزدارىندا كورنەكى اقپارات جانە جادىناما, فيرمالىق جانە كوممەرتسيالىق پويىزداردىڭ مۋلتيمەديالىق پورتالدارىندا كوروناۆيرۋستىڭ الدىن الۋ جونىندەگى بەينەروليكتەر ورنالاستىرىلعان. جول ءجۇرۋ بارىسىندا زارارسىزداندىرۋ قۇرالدارىن قولدانا وتىرىپ 4 رەتتەن كەم ەمەس ىلعالدى تازارتۋ جۇرگىزىلەدى. پويىزداردا اۋرۋ انىقتالعان جاعدايدا زارارسىزداندىرۋ قۇرالدارى, مەديتسينالىق ماسكالار جانە وزگەلەرى (شۇبەرەك, شەلەك, ەسەپكە الۋ داپتەرى) قاراستىرىلعان.
سونىمەن قاتار «قتج» ۇك» اق قازاقستان تەمىرجول ۆوكزالدارىندا كوروناۆيرۋس تارالۋىنىڭ الدىن الۋدا جانە قاۋىپسىزدىك شارالارىن قابىلداۋدا. نۇر – سۇلتان, الماتى, سەمەي قالالارىنداعى جانە دوستىق ستانتسياسى ۆوكزالدارىنا ەرەكشە نازار اۋدارىلۋدا.
اتالعان ۆوكزالداردىڭ ەسەپشىلەرى, كەزەكشىلەرى مەن وزگە دە قىزمەتكەرلەرى انتيسەپتيكتەرمەن, قورعانىش قولعاپتارىمەن, ماسكالارمەن قامتاماسىز ەتىلگەن. سونداي-اق جۇقپالى ىندەت بەلگىلەرى بار تۇلعالار انىقتالعان جاعدايىندا قاۋىپسىزدىك شارالارى مەن ءىس-ارەكەتتەرى بويىنشا قىزمەتكەرلەرگە نۇسقاۋلىقتار وتكىزىلۋدە. ەلىمىز بويىنشا ۆوكزالداردا بارلىق عيماراتتاردى زارارسىزداندىرۋدى تۇراقتى جۇرگىزۋگە ارنايى جۋ قۇرالدارىنىڭ جەتكىلىكتى قورىمەن قامتاماسىز ەتىلگەن» دەلىنگەن حابارلامادا.