ۇلتتىق بانك بازالىق مولشەرلەمەنى جانە پايىزدىق ءدالىزدى جىلدىق 12% + /- 1,5 پ.ت. دەڭگەيىندە ساقتاۋ تۋرالى شەشىم قابىلدادى. بۇل تۋرالى ۇلتتىق بانك ءباسپاسوز قىزمەتى حابارلادى.
سىرتقى سەكتوردا قالىپتاسقان بەلگىسىزدىك جانە COVID-19 كوروناۆيرۋسىنىڭ, ساۋدا سوعىستارىنىڭ تارالۋىنا, گەوساياسي شيەلەنىستىڭ وسۋىنە بايلانىستى ىسكە اسىرىلعان تاۋەكەلدەر جاعدايىندا حالىقارالىق ساراپشىلاردىڭ باعالاۋى بويىنشا الەمدىك ەكونوميكانىڭ ايتارلىقتاي جانە ۇزاق ۋاقىتقا باياۋلاۋى كۇتىلەدى. 2020 جىلى الەمدىك ءىجو-ءنىڭ ءوسۋ قارقىنى 2008 جىلعى الەمدىك داعدارىس ۋاقىتىنان باستاپ ناشار كورسەتكىشكە الىپ كەلۋى مۇمكىن.
الدىڭعى اپتانىڭ باسىنان باستاپ الەمدىك تاۋار جانە قارجى نارىقتارىندا ايتارلىقتاي قۇبىلمالىلىق بايقالۋدا. مۇناي باعاسىنىڭ سەرپىنى وپەك+ كەلىسىمىنە قاتىسۋشىلار اراسىنداعى ۋاعدالاستىقتىڭ بولماۋىنا جانە رەسەي مەن ساۋد ارابياسىاراسىندا ءورىس العان باعا سوعىسىنا بايلانىستى وقيعالاردىڭ ىقپالىندا بولدى. 2020 جىلعى
9 ناۋرىزدان باستاپ Brent سۇرىپتى مۇنايدىڭ باعاسى ءبىر باررەل ءۇشىن 31-36,5 اقش دوللارى دەڭگەيىندە بەكىتىلدى. 2020 جىلعى 16 ناۋرىزدا تاڭەرتەڭ مۇنايدىڭ بەلگىلەنگەن باعاسى ءبىر باررەل ءۇشىن 32,88 اقش دوللارىن قۇرادى.
ينۆەستورلار اراسىنداعى تەرىس كۇتۋلەر ناتيجەسىندە الەمدىك قور نارىقتارىنداعى يندەكستەر سوڭعى 30 جىلدا ەڭ كوپ تومەندەۋدى كورسەتتى. وتكەن اپتادا اقش فەدەرالدى رەزەرۆتىك جۇيەسى قىسقا مەرزىمدى وتىمدىلىكتى 1,5 ترلن
اقش دوللارعا بەرۋدى جانە كەشە كەزەكتەن تىس تارتىپپەن نەگىزگى پايىزدىق مولشەرلەمەنى 0- 0,25% دەيىن تومەندەتىپ, ەكونوميكانى قولداۋ جانە مۇمكىن قۇلدىراۋ سالدارىن ازايتۋ ءۇشىن جالپى سوماسى 700 ملرد اقش دوللار ساندىق جۇمسارتۋ باعدارلامانى جاريالادى. دامۋشى ەلدەر مەن مۇنايدى ەكسپورتتاۋشى ەلدەر ۆاليۋتالارىنىڭ السىرەۋى بايقالدى. وسى جاعدايلاردا ۇلتتىق بانك باعا تۇراقتىلىعىن ۇستاپ تۇرۋ ماقساتىندا 2020 جىلعى 10 – 13 ناۋرىز ارالىعىندا بىرقاتار شۇعىل جانە الدىن الۋ شارالارىن قابىلدادى.
2020 جىلعى 10 ناۋرىزدا بازالىق مولشەرلەمەنىڭ 12%-عا دەيىن ارتۋى نارىقتاردا ۇرەيدىڭ تارالۋىنا الدىن الا اسەر ەتتى جانە نارىق اگەنتتەرىنىڭ ستراتەگياسىنا دەر كەزىندە تۇزەتۋلەر ەنگىزدى, بۇل پايدا بولعان ينفلياتسيالىق تاۋەكەلدەردى شەكتەۋگە جانە تەڭگەدەگى اكتيۆتەردىڭ قۇنىن قورعاۋعا مۇمكىندىك بەردى.
سونىمەن بىرگە پايىزدىق ءدالىزدى 1,5 پ.ت. دەيىن كەڭەيتۋ بانكتەردىڭ ۇلتتىق بانكتەن تەڭگەمەن قارىز الۋ قۇنىن 13,5%-عا دەيىن ۇلعايتا وتىرىپ, نارىققا قاتىسۋشىلار تاراپىنان ايىرباستاۋ باعامىنا الىپساتارلىق قىسىم كورسەتۋ مۇمكىندىگىن شەكتەۋگە باعىتتالدى. اقشا نارىعىنداعى مولشەرلەمەلەر پايىزدىق مولشەرلەمەلەردىڭ جاڭارتىلعان ءدالىزىنىڭ جوعارعى شەگىنە جاقىنداپ, 13,48%-عا جەتتى. ۇلتتىق بانك بانكتەرگە كولەمى شەكتەۋسىز وتىمدىلىك بەرۋ بويىنشا وپەراتسيالاردى كۇن سايىنعى نەگىزدە جۇرگىزەدى.
ساۋدانىڭ سىرتقى تالاپتارىنىڭ كۇرت وزگەرۋى جانە شەتەل ۆاليۋتاسى ۇسىنىسىنىڭ تاپشىلىعى تالاپتارىندا ۆاليۋتا نارىعىنداعى جاعدايدى تۇراقتاندىرۋ ءۇشىن ۇلتتىق بانك جەكەلەگەن كەزەڭدەردە جالعىز ساتۋشى بولا وتىرىپ, ۆاليۋتالىق وكتەمدىكتەر جۇرگىزدى. اتاپ ايتقاندا, 2020 جىلعى 10 ناۋرىزدا باعامنىڭ نەگىزسىز قۇبىلمالىلىعىن بولدىرماۋ ءۇشىن ۆاليۋتالىق ساۋدا-ساتتىقتا فرانكفۋرتتىق اۋكتسيون ءادىسى ىسكە قوسىلدى. ۇلتتىق بانك كۆازيمەملەكەتتىك سەكتوردىڭ, ەكىنشى دەڭگەيدەگى بانكتەردىڭ جانە ايىرباستاۋ پۋنكتتەرىنىڭ ۆاليۋتالىق وپەراتسيالارىن ۇيلەستىردى جانە مونيتورينگ جۇرگىزدى. بۇل وزگەرگەن سىرتقى جاعدايلاردىڭ تەڭگەنىڭ ايىرباستاۋ باعامىنا تەرىس اسەرىن تومەندەتۋگە مۇمكىندىك بەردى, ول 2020 جىلعى 6 – 13 ناۋرىز ارالىعىندا ءبىر اقش دوللارى ءۇشىن 405,62 تەڭگەگە دەيىن 6,1%-عا تومەندەدى.
ۇلتتىق بانك جاھاندىق ەكونوميكانىڭ دامۋ پەرسپەكتيۆالارىنىڭ ايتارلىقتاي ناشارلاۋىن, سۇرانىستىڭ تومەندەۋىن جانە الەمدىك تاۋار نارىقتارىندا قۇبىلمالىلىقتىڭ كۇشەيۋىن جاڭا ەكونوميكالىق شىنايىلىق رەتىندە قاراستىرادى. قالىپتاسقان جاعدايدى تالداۋ نەگىزىندە ۇلتتىق بانك Brent سۇرىپتى مۇناي باعاسىنىڭ ءبىر باررەل ءۇشىن 60 اقش دوللارىنان 35 اقش دوللارىنا دەيىنگى بۇدان بىلايعى سەرپىنى تۋرالى پايىمداۋىن قايتا قارادى. باعالاردىڭ جاڭا دەڭگەيى بولجامدىق كەزەڭنىڭ سوڭىنا دەيىن بازالىق ستسەناري رەتىندە قاراستىرىلادى. دامۋدىڭ ستسەناريلىك نۇسقاسىنىڭ ناشارلاۋى ينفلياتسيانىڭ 2020 جىلى نىسانالى ءدالىزدىڭ جوعارعى شەگىنە شىعۋ تاۋەكەلىن ارتتىردى.
قازىرگى ساتتەن باستاپ جاڭا ىرگەلى جاعدايلاردى ەسكەرە وتىرىپ, ۇلتتىق بانك ەركىن باعام بەلگىلەۋ جانە ينفلياتسيالىق تارگەتتەۋ ساياساتىنا سايكەس تەپە-تەڭ باعامنىڭ قالىپتاسۋىنا ىقپال ەتۋگە نيەتتەنىپ وتىر.
ۇلتتىق بانك ىشكى قارجى نارىعىنداعى جاعدايدى بۇدان ءارى تۇراقتاندىرۋعا قاجەتتى قۇرالدارعا يە. قاجەت بولعان جاعدايدا, سىرتقى سەكتور تاراپىنان تەرىس سالدارلاردى تەجەۋ ءۇشىن قارجى نارىعىن رەتتەۋ جانە دامىتۋ اگەنتتىگىمەن بىرلەسكەن جانە ۇيلەستىرىلگەن شارالار قابىلدانۋى ىقتيمال. ۇلتتىق بانك جاعدايعا مونيتورينگ جۇرگىزۋىن جالعاستىرۋدا جانە ىرگەلى فاكتورلاردىڭ قولدانىلۋىن كورسەتپەيتىن جانە قارجىلىق تۇراقتىلىققا قاۋىپ تونگەن جاعدايلاردا باعام اۋىتقۋلارىن رەتتەۋ قۇقىعىن وزىنە قالدىرادى.
الەمدىك ەكونوميكاداعى احۋال ناشارلاعان جاعدايدا باعا تۇراقتىلىعىن, ەلدىڭ ۆاليۋتا نارىعىنداعى جانە قارجى نارىعىنداعى جاعدايدى ۇستاپ تۇرۋ ءۇشىن قوسىمشا شارالاردىڭ قابىلدانۋى مۇمكىن. قازاقستان رەسپۋبليكاسى ۇلتتىق بانكىنىڭ بازالىق مولشەرلەمە بويىنشا كەزەكتى جوسپارلى شەشىمى 2020 جىلعى 27 ساۋىردە نۇر-سۇلتان قالاسىنىڭ ۋاقىتى بويىنشا ساعات 15:00-دە جاريالاناتىن بولادى.