الماتى قالالىق پوليتسيا دەپارتامەنتى ۆيرۋس جۇقتىرعان ايەل سانيتارلىق قىزمەت جۇمىسىنا كەدەرگى كەلتىرگەنى ءۇشىن قىلمىستىق جاۋاپكەرشىلىككە تارتىلعانىن مالىمدەدى.
«الماتى قالالىق پوليتسيا دەپارتامەنتى كوروناۆيرۋسپەن اۋىرعانداردىڭ ءبىرى ازاماتشا ب-نىڭ سانيتارلىق قىزمەت جۇمىسىنا كەدەرگى كەلتىرىپ, ۆيرۋسقا شالدىققاننان كەيىن وزىمەن بايلانىستا بولعان ازاماتتاردىڭ مالىمەتتەرىن بەرۋدەن قاساقانا باس تارتقانىن حابارلايدى. ايەل قر قىلمىستىق كودەكسىنىڭ 304-بابىندا (سانيتارلىق ەرەجەنى نەمەسە گيگيەنالىق نورماتيۆتەردى بۇزۋ) كوزدەلگەن قىلمىستىڭ بەلگىلەرى بويىنشا قىلمىستىق جاۋاپكەرشىلىككە تارتىلدى» دەلىنگەن قالالىق پوليتسيا دەپارتامەنتى تاراتقان حابارلامادا.