قىتايدا وسىدان ءبىر اپتا بۇرىن ءجۇز جاستاعى ەگدە كىسى كوروناۆيرۋستان قۇلان-تازا ايىعىپ, ەمحانادان ۇيىنە قايتقان. بۇل تۋرالى Xinhua اگەنتتىگى حابارلادى.
1920 جىلى دۇنيەگە كەلگەن ەر ادام وتكەن ايدا عانا 100-گە تولعان.
ول اۋرۋحاناعا 24 اقپان كۇنى ءتۇسىپ, 13 كۇن بويى ەم العان. ناتيجەسىندە ىندەتتەن تولىعىمەن جازىلعان. وسىلايشا ول سىرقاتتى جەڭگەن الەمدەگى جاسى ەڭ ۇلكەن ناۋقاس بولىپ وتىر.
دارىگەرلەر اۋرۋحاناعا تۇسكەن كەزدە التسگەيمەر, گيپەرتونيا جانە جۇرەك دەرتتەرىنە بايلانىستى ونى ەمدەۋ وڭاي بولماعانىن ايتادى.
اسكەري دارىگەرلەر ۇزاق كەڭەسىپ, ءداستۇرلى قىتاي مەديتسيناسى مەن پلازموتەراپيانى قوسا قولدانعان ەكەن.