قازاقستاننىڭ سىرتقى ىستەر مينيسترلىگى يتالياداعى ازاماتتاردىڭ ەلگە قالاي ورالا الاتىنىن حابارلادى.
«قازاقستان رەسپۋبليكاسىنىڭ يتالياداعى ەلشىلىگى قازىرگى ۋاقىتتا كوروناۆيرۋس ەپيدەمياسىنىڭ سالدارىنان يتالياداعى توتەنشە جاعدايعا بايلانىستى يتاليا مەن الەمنىڭ باسقا ەلدەرى اراسىنداعى اۋە قاتىناسى ۋاقىتشا توقتاتىلعانىن حابارلايدى.
وسىعان بايلانىستى, قازىرگى ۋاقىتتا رەسەيلىك «اەروفلوت» اۋەكومپانياسى ماسكەۋ قالاسىندا قايتا وتىرعىزۋ ارقىلى ريمنەن قازاقستانعا جولاۋشىلار رەيستەرىن جۇزەگە اسىرىپ جاتقاندىعىن نازارلارىڭىزعا سالامىز» دەلىنگەن حابارلامادا.
سونىمەن بىرگە, 11 ناۋرىزدان باستاپ «اەروفلوت» اۋەكومپانياسى يتاليانىڭ قالالارىنا ۇشۋ باعدارلاماسىن وزگەرىپ جاتىر.