بۇل تۋرالى ءبىلىم جانە عىلىم ءمينيسترى اسحات ايماعامبەتوۆ ورتالىق كوممۋنيكاتسيالار الاڭىندا وتكەن بريفينگتە مالىمدەدى.
ءمينيستردىڭ ايتۋىنشا, وقۋشىلار دەمالىسىندا مۇعالىمدەر ادەتتە مەكتەپكە كەلەتىن, ال قازىر ولار ۇيدەن جۇمىس ىستەۋگە مۇمكىندىك الدى.
سونداي-اق جوعارى وقۋ ورىندارىنىڭ وقىتۋشىلارى دا ساباقتى ونلاين فورماتتا جۇمىس ورنىنا كەلمەي, ۇيدەن جۇرگىزە الادى.
ءبىلىم سالاسىنىڭ قىزمەتكەرلەرى ءۇش كاتەگورياعا بولىنگەن. بىرىنشىلەرى -ء بىلىم ۇيىمدارىنىڭ جۇمىسىن جۇرگىزۋگە تىكەلەي قاتىساتىن قىزمەتكەرلەر جۇمىسقا شىعۋلارى كەرەك. جوعارىدا ايتىلعان ۇستازدار ەكىنشى ساناتقا كىرەدى. ولار قاشىقتىقتان جۇمىس ىستەپ, جالاقىسىن تولىق الادى.