سينوپتيكتەر 14-16 ناۋرىزدا اۋا رايى قانداي بولاتىنىن ايتتى. بۇل تۋرالى «قازگيدرومەت» رمك ءباسپاسوز قىزمەتى حابارلادى.
اتلانتيكالىق تسيكلون قازاقستان تەرريتورياسىنا كەزەكتى جىلۋ الىپ كەلەدى.
ونىمەن بايلانىستى تەمپەراتۋرالىق فوننىڭ جوعارىلاۋى كۇتىلەدى, كەي جەرلەردە جاۋىن-شاشىن, كوبىنە جاڭبىر تۇرىندە جاۋادى, رەسپۋبليكانىڭ وڭتۇستىگىندە نايزاعاي كۇركىرەيدى. تۇنگى جانە تاڭعى ۋاقىتتاردا تۇمان, كوكتايعاق بايقالاتىن بولادى.
اقمولا وبلىسىندا وڭتۇستىك-باتىستان جەل سوعادى, تۇندە كەي جەرلەردە كۇشى 15-20 م/س, كۇندىز 15-20, كەي جەرلەردە ەكپىنى 23-28 م/س.
نۇر-سۇلتان ق.: كۇندىز 14 ناۋرىزدا وڭتۇستىك-باتىستان جەل سوعادى, ەكپىنى 15-20 م/س كۇتىلەدى.
داۋىلدى ەسكەرتۋدىڭ ىقتيمالدىلىعى 85-90 %.