الماتى قالاسى 2029 جىلى وتەتىن قىسقى ازيا ويىندارىنىڭ رەسمي ۇيىمداستىرۋشىسى بولىپ بەكىتىلدى. 5 اقپان كۇنى ءتيىستى قۇجاتقا يتاليانىڭ ميلان قالاسىندا قازاقستان ۇلتتىق وليمپيادالىق كوميتەتىنىڭ پرەزيدەنتى گەننادي گولوۆكين مەن ازيا وليمپيادالىق كەڭەسىنىڭ باسشىسى, مارتەبەلى شەيح دجوان بين حاماد ءال-تاني قول قويعان ەدى, دەپ جازادى Egemen.kz.
ءدۇبىرلى دوداعا وراي الماتىدا جاڭا سپورتتىق نىساندار سالىنبايدى. بۇل تۋرالى تۋريزم جانە سپورت ۆيتسە-ءمينيسترى سەرىك جاراسباەۆ سەنات كۋلۋارىندا وتكەن بريفينگتە مالىمدەدى. ونىڭ ايتۋىنشا, حالىقارالىق ءىس-شارانى وتكىزۋ قۇقىعىن الماس بۇرىن الماتىداعى قولدانىستاعى ينفراقۇرىلىمعا مونيتورينگ جۇرگىزىلگەن.
«قولدانىستاعى سپورتتىق نىساندار حالىقارالىق ستاندارتتارعا تولىق سايكەس كەلەدى جانە ازيا ويىندارىنىڭ باعدارلاماسىن تولىق قامتاماسىز ەتە الادى. سوندىقتان ازيا ويىندارىن وتكىزۋ ءۇشىن قوسىمشا جاڭا سپورت نىساندارىن سالۋدىڭ قاجەتى جوق. سوزىمىزگە 2011 جىلى وتكەن ازيا ويىندارى مەن 2017 جىلى وتكەن 28-قىسقى دۇنيەجۇزىلىك ۋنيۆەرسيادانىڭ ءساتتى ۇيىمداستىرىلۋى دالەل», دەدى سەرىك جاراسباەۆ.
كەلەر جىلى استانادا ۋەفا-نىڭ 51-ءشى كونگرەسى وتەدى
سونداي-اق ۆيتسە-مينيستر كولىك اعىندارىن دۇرىس ءبولۋ جانە جارىس كەستەسىن ءتيىمدى قۇرۋ ارقىلى كەلۋشىلەر سانىنىڭ ارتۋىنا بايلانىستى الماتىداعى كەپتەلىس ماسەلەسى قيىندىق تۋدىرمايتىنىن دا اتاپ ءوتتى.
«2017 جىلى ءبىز كەپتەلىس ماسەلەسىن ءتيىمدى شەشتىك. جالپى, قالا بۇل مىندەتتى ەڭسەرە الدى. قازاقستاننىڭ حالىقارالىق سپورتتىق ءىس-شارالاردى وتكىزۋدە جەتكىلىكتى تاجىريبەسى بار دەپ ويلايمىن, ال جول قوزعالىسىن رەتتەۋدە بىرلەسكەن ءارى ۇيلەستىرىلگەن جۇمىس بىزگە كومەكتەسەدى», دەدى ول.
24 ايدىڭ جۇمىسى 11 ايدا ءبىتتى: الماتى مەتروسىنىڭ جاڭا قالقامان بەكەتى قاشان ىسكە قوسىلادى؟