يسلامدى زەرتتەۋ ينستيتۋتى كەڭەسىنىڭ اتىنان (پاكىستان, يسلاماباد) قازاقستان رەسپۋبليكاسى پارلامەنتى سەناتىنىڭ توراعاسى داريعا نازارباەۆاعا «Paigham-e Pakistan» 2020 سىيلىعى تابىس ەتىلدى.
سىيلىق قازاقستان قوعامىنداعى ۇلتتىق ىنتىماقتى, تۇتاستىق پەن الەۋمەتتىك ادىلدىكتى نىعايتۋعا سىڭىرگەن ەڭبەگى ءۇشىن داريعا نازارباەۆاعا بەرىلىپ وتىر.
«بۇل ماراپات دىنارالىق جانە وركەنيەتارالىق ديالوگتى ىلگەرىلەتۋ ىسىندەگى جانە الەمدىك جانە ءداستۇرلى دىندەر ليدەرلەرى سەزىن وتكىزۋدەگى كۇش-جىگەرى مويىندالۋىنىڭ بەلگىسى رەتىندە بەرىلەدى», – دەلىنگەن يسلامدى زەرتتەۋ ينستيتۋتى كەڭەسىنىڭ حاتىندا.
Paigham-e-Pakistan – زورلىق-زومبىلىققا, ەكسترەميزم مەن لاڭكەستىككە قارسى ءپاتۋا. ونى يسلامنىڭ بۇكىل مەكتەپتەرىندەگى 5000-نان استام عالىم قول قويىپ, قابىلداعان بولاتىن, دەپ حابارلادى سەناتتىڭ ءباسپاسوز قىزمەتى.