قازاقستان تورونتو قالاسىندا جىل سايىنعى PDAC كورمە-كونفەرەنتسياسىندا تاۋ-كەن مەتاللۋرگيا كەشەنىنىڭ ينۆەستيتسيالىق مۇمكىندىكتەرىن تانىستىردى. ءۇش كۇندىك سالالىق ءىس-شاراعا الەمنىڭ 135 ەلىنەن 25 مىڭنان استام ادام قاتىستى.
قازاقستاندىق دەلەگاتسيا قۇرامىنا يندۋستريا جانە ينفراقۇرىلىمدىق دامۋ ۆيتسە-ءمينيسترى رۋسلان بايميشەۆ, «KAZAKH INVEST «ۇك» اق, گەولوگيا جانە جەر قويناۋىن پايدالانۋ كوميتەتىنىڭ جانە «قازگەواقپارات», «قازگەولوگيا», «تاۋكەن سامۇرىق», احقو, سونداي-اق قازاقستاننىڭ بيزنەس-قاۋىمداستىعىنىڭ وكىلدەرى كىردى.
ءىس-شارا بارىسىندا قاتىسۋشىلارعا تمك سالاسىنىڭ دامۋ پەرسپەكتيۆالارى, ينۆەستيتسيالاردى مەملەكەتتىك قولداۋ شارالارى, سونداي-اق «KAZAKH INVEST «ۇك» اق پايپلاينىنداعى بىرقاتار جوبالار ۇسىنىلدى.
«بۇگىندە KAZAKH INVEST پايپلاينىندا تاۋ-كەن مەتاللۋرگيا كەشەنى سالاسىندا بىرقاتار جوبالار بار. قر ىشىندە شيكىزاتتى بارىنشا وڭدەۋدى ىنتالاندىرۋ ءۇشىن ۇكىمەت بىرقاتار ىنتالاندىرۋلار ۇسىنادى. وسىعان بايلانىستى ءبىز قوسىلعان قۇنى جوعارى ءونىم وندىرەتىن ينۆەستورلاردى تارگەتتەيمىز. فورۋم بارىسىندا ءبىز زاڭنامالىق بازانى جانە قازاقستان اۋماعىندا شەتەلدىك كومپانيالاردىڭ بيزنەسىن جۇرگىزۋدىڭ تابىستى تاجىريبەسىن ەگجەي - تەگجەيلى تالقىلادىق», - دەپ اتاپ ءوتتى «KAZAKH INVEST «ۇك» اق جوبا جەتەكشىسى ديليارا تەكتىعۇلوۆا.
فورۋم قورىتىندىسى بويىنشا اقش, كانادا جانە رەسەيدىڭ Kinross Gold, Anglo-American, Freeport-McMoran, B2Gold, POLYUS, Forbes&Manhattan سياقتى ءىرى كومپانيالارىمەن بىرقاتار ەكىجاقتى كەزدەسۋلەر وتكىزىلدى.
كەلىسسوزدەر قورىتىندىسى بويىنشا شەتەلدىك بيزنەس وكىلدەرى التىن, مىس, نيكەل جانە سيرەك مەتالدار كەن ورىندارىن يگەرۋ سالاسىنداعى جوبالاردى ىسكە اسىرۋعا قىزىعۋشىلىق تانىتتى.
«جەر قويناۋى جانە جەر قويناۋىن پايدالانۋ تۋرالى" جاڭا كودەكستىڭ قابىلدانۋىمەن, قازاقستاننىڭ وزىق تەحنولوگيالارعا دەگەن قاجەتتىلىگىمەن, پەرسپەكتيۆالى كەن ورىندارىن يگەرۋ جانە گەولوگيالىق بارلاۋدى دامىتۋ ءۇشىن مامانداندىرىلعان ينۆەستيتسيالىق جانە يۋنيورلىق كومپانيالاردى تارتۋمەن قاتار احقو الاڭىن پايدالانۋ مۇمكىندىگى ارقاسىندا بىرقاتار كومپانيالار ەلىمىزدىڭ اۋماعىندا بيزنەس جۇرگىزۋگە قىزىعۋشىلىق تانىتقانىن اتاپ وتكىم كەلەدى», - دەپ تولىقتىردى ديليارا تەكتىعۇلوۆا.
سونىمەن قاتار, گەولوگيالىق بارلاۋ جانە جەر قويناۋىن پايدالانۋ سالاسىندا تاجىريبە الماسۋ, سونداي-اق دەرەكتەر بازاسىن باسقارۋ ءۇشىن دەلەگاتسيامەن كۆەبەك جانە بريتاندىق كولۋمبيا پروۆينتسيالارىنىڭ باسشىلىعىمەن كەزدەسۋ وتكىزىلدى. اتالعان سالانى دامىتۋدا كانادانىڭ مەملەكەتتىك قولداۋ شارالارى جانە كانادالىق تاراپ پايدالاناتىن وزىق تەحنولوگيالاردى زەرتتەۋ جانە تاجىريبە الماسۋ ءۇشىن ىنتىماقتاستىقتىڭ ىقتيمال جولدارى تالقىلاندى.