ۇكىمەتتىڭ كەڭەيتىلگەن وتىرىسىندا پرەزيدەنت قاسىم-جومارت توقاەۆ قورىتىندى ءسوز سويلەپ, جاڭا اتا زاڭ جوباسىندا ۇسىنىلىپ وتىرعان وزگەرىستەردىڭ ارقاۋى ادامداردىڭ جانە ازاماتتاردىڭ قۇقىقتارى مەن بوستاندىقتارىن قورعاۋ ەكەنىن اتاپ ءوتتى, دەپ جازادى Egemen.kz.
ء«بىز ادام قۇقىعىنىڭ قورعالۋىنا كەپىلدىك بەرەتىن جانە ونىڭ ناقتى جولدارى ايقىن كورسەتىلەتىن ءبىرتۇتاس جۇيە قالىپتاستىرامىز. مىسالى, ادۆوكاتتاردىڭ ۇسىنىسىمەن اتا زاڭ جوباسىنا ادۆوكاتۋرا تۋرالى جەكە باپ قوسىلدى. جاڭا كونستيتۋتسيا جوباسىندا ءبىلىم بەرۋ جۇيەسىنە باسا ءمان بەرۋ ارقىلى مەملەكەتتىڭ زايىرلى سيپاتى دا ناقتىلانا ءتۇستى.
ال «نەكە – ەركەك پەن ايەلدىڭ ەرىكتى جانە تەڭقۇقىلى بىرلەستىگى, ياعني وداعى» دەگەن تۇجىرىم ارقىلى قوعامداعى ءداستۇرلى قۇندىلىقتاردى ساقتاپ قالۋ ماقساتى كوزدەلدى. كونستيتۋتسيا جوباسىندا تابيعاتتى قورعاۋ ماسەلەسىنە دە نازار اۋدارىلدى. مەنىڭشە, بۇل – وتە ماڭىزدى نارسە», دەدى مەملەكەت باسشىسى.
قاسىم-جومارت توقاەۆ تۇزەتۋلەردىڭ ىشىنە تاعى ءبىر اسا قاجەتتى نورمانى ەنگىزۋ كەرەك ەكەنىن ايتتى.
«قازىرگى كونستيتۋتسيادا «تۇرعىن ۇيگە قول سۇعۋعا بولمايدى. سوت شەشىمىنسىز تۇرعىن ۇيدەن ايىرۋعا جول بەرىلمەيدى» دەگەن ەرەجە بار. وسى ەرەجەنى «تۇرعىن ۇيدەن ماجبۇرلەپ شىعارۋعا» دا سوت شەشىمىنسىز جول بەرىلمەيدى دەپ تولىقتىرعان ءجون. مەنىڭشە, بۇل – جاڭا كونستيتۋتسيانىڭ سيپاتىنا تولىق ساي كەلەتىن الەۋمەتتىك نورما. كونستيتۋتسيالىق كوميسسيا مۇشەلەرىنەن وسى ۇسىنىستى قاراۋدى سۇرايمىن.
تۇتاستاي العاندا, نەگىزگى زاڭ جوباسىندا قازاقستاننىڭ قارقىندى دامۋىنا, ۇلتىمىزدىڭ ۇيىسۋىنا قاجەتتى ىرگەلى قاعيداتتار مەن قۇندىلىقتار تولىق قامتىلعان», دەدى پرەزيدەنت.
ەسكە سالايىق, پرەزيدەنت توراعالىعىمەن ۇكىمەتتىڭ كەڭەيتىلگەن وتىرىسى ءوتىپ جاتىر.
پرەزيدەنت: كونستيتۋتسيالىق كوميسسيانىڭ جۇمىسى بارىنشا اشىق جۇرگىزىلدى