ۇكىمەت ءىرى جەر يەلەنۋشىلەرگە قانداي تالاپ قويدى؟

تەرەڭ وڭدەۋ – ەكسپورتقا جول

اۋىل شارۋاشىلىعى ونىمدەرىن تەرەڭ وڭدەۋ – ەكونوميكانى ءارتاراپتاندىرۋدىڭ نەگىزگى تەتىكتەرىنىڭ ءبىرى. وسى باعىتتا بيىل جامبىل وبلىسىندا جۇگەرىنى تەرەڭ وڭدەۋگە ارنالعان ءىرى ونەركاسىپتىك پارك ىسكە قوسىلماق. اتالعان جوبا قازاقستانعا ترەونين مەن گلۋتامات ءوندىرۋ ارقىلى الەمدىك نارىققا شىعۋعا مۇمكىندىك بەرەدى.

پرەمەر-ءمينيستردىڭ ايتۋىنشا, جاڭا زاۋىت جىل سايىن 3 ملن توننا جۇگەرىگە تۇراقتى سۇرانىس قالىپتاستىرادى. قازىرگى تاڭدا ەل بويىنشا وندىرىلەتىن جۇگەرى كولەمى شامامەن 1 ملن توننا عانا.

ء«بىر عانا ءىرى زاۋىتتىڭ ىسكە قوسىلۋى نارىق قۇرىلىمىن تۇبەگەيلى وزگەرتىپ, اگرووندىرىستىڭ جەكەلەگەن باعىتتارىنىڭ دامۋىنا قۋاتتى سەرپىن بەرەدى», دەدى ولجاس بەكتەنوۆ.

جاڭا كاسىپورىندار مەن مەملەكەتتىك قولداۋ

ۇكىمەتتىڭ دەرەگىنشە, 2025 جىلى مايلى داقىلداردى, ءجۇندى, ەت پەن ءسۇتتى تەرەڭ وڭدەۋگە, سونداي-اق قۇراما جەم مەن شىرىن وندىرۋگە باعىتتالعان 6 كاسىپورىن ىسكە قوسىلعان. بۇدان بولەك, اگروونەركاسىپ كەشەنىندە تاعى 10 زاۋىتتىڭ قۇرىلىسى ءجۇرىپ جاتىر.

تەرەڭ وڭدەۋ جوبالارىن ىنتالاندىرۋ ءۇشىن مەملەكەتتىك قولداۋ تەتىكتەرى كۇشەيتىلدى. اتاپ ايتقاندا, استىقتى وڭدەۋگە ارنالعان ينۆەستيتسيالىق سۋبسيديالار 50 %-عا دەيىن ۇلعايتىلدى. سونىمەن قاتار جابدىقتى يمپورتتاۋعا جانە نەگىزگى قىزمەت تۇرلەرى بويىنشا بىرقاتار سالىقتىق جەڭىلدىكتەر قاراستىرىلعان.

گەولوگيالىق بارلاۋ جۇمىستارىنا 500 ملن دوللار ينۆەستيتسيا سالىنادى

مال شارۋاشىلىعىنداعى تۇيتكىلدەر

سونىمەن بىرگە اگروونەركاسىپ كەشەنىندە شەشىمىن كۇتكەن ماسەلەلەر دە بار. ينۆەستيتسيا مەن زاماناۋي اگروتەحنولوگيالار ەگىنشىلىكتە ونىمدىلىكتى ارتتىرعانىمەن, مال شارۋاشىلىعى بۇل تۇرعىدا كەنجە قالىپ وتىر. سالاداعى ءوسىم 2-3 %-دان اسپايدى. بۇل ىشكى نارىقتى تولىق قامتۋعا, وڭدەۋدى دامىتۋعا جانە ەكسپورتتى ۇلعايتۋعا كەدەرگى كەلتىرەدى. ۆەتەريناريا, عىلىمي سۇيەمەلدەۋ مەن كادرلىق قامتاماسىز ەتۋ باعىتتارىندا دا پروبلەمالار جەتكىلىكتى.

تاعى ءبىر وزەكتى ماسەلە – اۋىلداعى ماۋسىمدىق جۇمىس. كەيبىر ءىرى جەر پايدالانۋشىلار تەك ناۋقان كەزىندە عانا ەڭبەككە سۇرانىس تۋدىرىپ, قالعان ۋاقىتتا اۋىل تۇرعىندارى جۇمىسسىز قالادى. وسىعان بايلانىستى 10 000 گەكتاردان استام جەردى يەلەنگەن كاسىپكەرلەرگە مال شارۋاشىلىعىن مىندەتتى تۇردە دامىتۋ تالابى قويىلدى. بۇل تالاپ ورىندالماعان جاعدايدا, جەردى قايتارىپ الۋ تەتىكتەرىن قوسا العاندا, ءتيىستى شارالار قابىلدانادى.

ەل ەكونوميكاسىنا 58 ملرد دوللاردان استام قارجى تارتىلدى

كەشەندى جوسپار جانە الەۋمەتتىك قولداۋ

ۇكىمەت ازىرلەگەن مال شارۋاشىلىعىن دامىتۋ جونىندەگى كەشەندى جوسپاردا اسىل تۇقىمدى مال ساتىپ الۋعا جەڭىلدەتىلگەن نەسيە بەرۋ, مالشىلاردىڭ بالالارىنا ءبىلىم گرانتتارىن ۇسىنۋ, جاساندى ۇرىقتاندىرۋدىڭ زاماناۋي تەحنولوگيالارىن ەنگىزۋ جانە جايىلىمدىق مال شارۋاشىلىعىن دامىتۋ شارالارى قامتىلعان.

اتالعان باستامالار اگروونەركاسىپ كەشەنىندەگى تەرەڭ وڭدەۋدى كەڭەيتىپ قانا قويماي, اۋىلداعى ءومىر ساپاسىن ارتتىرۋعا, تۇراقتى جۇمىسپەن قامتۋعا جانە سالانىڭ ۇزاقمەرزىمدى دامۋىن قامتاماسىز ەتۋگە باعىتتالعان.

40 پايىزدىق مەجە: ۇكىمەت حالىقتىڭ ناقتى تابىسىن قالاي وسىرمەك؟