قاسىم-جومارت توقاەۆتىڭ توراعالىعىمەن ءوتىپ جاتقان ۇكىمەتتىڭ كەڭەيتىلگەن وتىرىسىندا پرەمەر-مينيستر ولجاس بەكتەنوۆ حالىق تابىسىنىڭ ءوسۋىن قامتاماسىز ەتۋ بويىنشا جۇرگىزىلىپ جاتقان جۇمىستار تۋرالى باياندادى, دەپ حابارلايدى Egemen.kz.
ازاماتتاردىڭ تابىس دەڭگەيىنىڭ ارتۋى ەكونوميكانىڭ ءوسۋ قارقىنىنا سايكەس كەلمەيتىنى اتاپ ءوتىلدى. ەڭبەكاقىنىڭ جالپى ىشكى ونىمدەگى ۇلەسىنىڭ كورسەتكىشى شامامەن 31 پايىزدى قۇراپ وتىر, بۇل – ورتالىق ازيا ءۇشىن جوعارى كورسەتكىش. بىراق ءبىزدىڭ ماقساتىمىز – الەمدىك ورتاشا كورسەتكىش – 40 پايىزعا جانە ودان جوعارى دەڭگەيگە جەتۋ.
جەرگىلىكتى بيۋدجەتتەردىڭ رەسپۋبليكالىق بيۋدجەتكە تاۋەلدىلىگى 34%-عا دەيىن تومەندەيدى
«جالاقىنىڭ ءوسۋ قارقىنى بيزنەس تابىسىنىڭ, ونىڭ ىشىندە ءوز كۇشىمەن ءارى مەملەكەتتىك قولداۋ ەسەبىنەن الىنعان تابىس ديناميكاسىنان ارتتا قالىپ وتىر. وسىعان وراي ۇكىمەت حالىقتىڭ تابىسىن ارتتىرۋ ءۇشىن كەشەندى شارالاردى ازىرلەۋدە. ونىڭ اياسىندا قارجىلىق, سالىقتىق جانە باسقا دا ىنتالاندىرۋ شارالارى كوزدەلۋدە. ولار ەڭبەكاقىنى كوتەرۋگە, لايىقتى جالاقى تولەيتىن جۇمىس ورىندارىن كوبەيتۋگە, كاسىبي داعدىلار مەن بىلىكتىلىكتى دامىتۋعا, سونداي-اق ازاماتتار ءۇشىن قارجىلىق جۇكتەمەنى ازايتۋعا باعىتتالعان», دەدى ولجاس بەكتەنوۆ.
ۇكىمەتتىڭ 2026 جىلعا ارنالعان نەگىزگى باسىمدىعى حالىقتىڭ ناقتى تابىسىنىڭ ءوسۋى بولىپ سانالادى. بۇعان جاڭا وندىرىستەر قۇرۋعا, كاسىپكەرلىك باستامالاردى دامىتۋعا جانە تۇراقتى جۇمىس ورىندارىن اشۋعا باعىتتالعان جۇيەلى شارالار كەشەنى ىقپال ەتەتىن بولادى.
سونىمەن قاتار تسيفرلاندىرۋ ماسەلەلەرىنە نازار اۋدارىلدى. مەملەكەت باسشىسى جاريالاعان تسيفرلاندىرۋ جىلى اياسىندا قازاقستان حالقىنا جولداۋىندا ەكونوميكانىڭ بارلىق سالالارىنا وزىق تەحنولوگيالار مەن جي ەنگىزۋ جانە تسيفرلى مەملەكەت قۇرۋ مىندەتى قويىلدى. الايدا بۇل باعىتتا جۇزەگە اسىرۋ جۇمىستارى ءتيىستى دەڭگەيگە جەتكەن جوق. ەكونوميكانىڭ ناقتى سەكتورىندا تسيفرلاندىرۋ پروتسەستەرى ءالى دە باستاپقى ساتىدا تۇر. وسى كۇنگە دەيىن سالالىق دەرەكتەر قورلارى تولىق قالىپتاسپاي وتىر.
وسى جانە باسقا دا ماسەلەلەردىڭ بارلىعى ۇكىمەت ازىرلەگەن «Digital Qazaqstan» ستراتەگياسىندا ءوز شەشىمىن تابۋى ءتيىس, ول بارلىق تسيفرلى باستامالاردى جالپىۇلتتىق باعدارلاماعا بىرىكتىرەدى.
10 كۇندە جەڭىلدەتىلگەن نەسيە: ۇكىمەت بيزنەستى قولداۋدىڭ جاڭا تەتىكتەرىن ازىرلەپ جاتىر