بيىل 2,6 گۆت ءداستۇرلى جانە جاڭارتىلاتىن ەنەرگيا كوزدەرى ىسكە قوسىلادى. بۇل كەلەسى جىلدىڭ ءبىرىنشى توقسانىندا ەنەرگيا تاپشىلىعى ماسەلەسىن شەشۋگە مۇمكىندىك بەرەدى. بۇل تۋرالى ۇكىمەتتىڭ كەڭەيتىلگەن وتىرىسىندا پرەمەر-مينيستر ولجاس بەكتەنوۆ باياندادى, دەپ جازادى Egemen.kz.
ولجاس بەكتەنوۆ ەلىمىزدە ەلەكتر ەنەرگياسىنىڭ تاپشىلىعى ساقتالىپ وتىرعانىن, ول ەڭ جوعارى جۇكتەمە كەزەڭدەرىندە يمپورتتىڭ ەسەبىنەن جابىلاتىنىن اتاپ ءوتتى. وتكەن جىلى ەنەرگيا تاپشىلىعى 29%-عا ازايعانىمەن, اۋقىمى ءالى دە ۇلكەن.
«جاڭا تاريف ساياساتىنىڭ ناتيجەسىندە رەتتەلىپ كورسەتىلەتىن قىزمەتتەردەگى ءادىل نارىقتىق جاعدايلار قالپىنا كەلتىرىلىپ جاتىر. قازىر بولجامدى تاريفتەر تۇرعىن ءۇي-كوممۋنالدىق شارۋاشىلىعى سالاسىنا جەكە ينۆەستيتسيالاردى قايتا تارتۋعا جول اشتى. مىسالى, وتكەن جىلى ەنەرگەتيكا سالاسىنا 655 ملرد تەڭگە ينۆەستيتسيا تارتىلسا, بيىل بۇل كورسەتكىش شامامەن 900 ملرد تەڭگە دەڭگەيىندە بولادى دەپ بولجانعان. جالپى العاندا, 2029 جىلعا قاراي ەلەكتر ەنەرگياسىن ءوندىرۋ كولەمى 39 ملرد كيلوۆاتت-ساعاتقا ۇلعايادى», دەدى ۇكىمەت باسشىسى.
10 كۇندە جەڭىلدەتىلگەن نەسيە: ۇكىمەت شوب-تى قولداۋدىڭ جاڭا تەتىكتەرىن ازىرلەپ جاتىر
ەنەرگەتيكالىق تاۋەلسىزدىكتى قامتاماسىز ەتۋگە جانە ءوسىپ كەلە جاتقان قۋات تاپشىلىعىن جابۋعا ارنالعان ستراتەگيالىق جۇمىستى جۇزەگە اسىرۋ شەڭبەرىندە ۇكىمەت 2035 جىلعا دەيىن 26 گۆت-تان استام جاڭا ءوندىرۋشى قۋاتتاردى ەنگىزۋ بويىنشا كەشەندى جۇمىس جۇرگىزىپ جاتىر, ونىڭ ىشىندە اتوم جانە «تازا» كومىر گەنەراتسياسىن دامىتۋعا باسا ءمان بەرىلەدى.
سونداي-اق ۇكىمەت باسشىسى جەرگىلىكتى بيۋدجەتتەردىڭ رەسپۋبليكالىق بيۋدجەتكە تاۋەلدىلىگى 34%-عا دەيىن تومەندەيتىنىن دە اتاپ ءوتتى.