ەل پرەزيدەنتى قاسىم-جومارت توقاەۆ توراعالىق ەتكەن ۇكىمەتتىڭ كەڭەيتىلگەن وتىرىسىندا پرەمەر-مينيستر ولجاس بەكتەنوۆ ينۆەستيتسيالىق ساياساتتى ىسكە اسىرۋ بارىسى جونىندە بايانداما جاسادى. ۇكىمەت باسشىسىنىڭ ايتۋىنشا, ينۆەستيتسيا تارتۋ قارقىنى تۇراقتى ءوسىم كورسەتىپ وتىر, دەپ جازادى Egemen.kz.
«تىكەلەي شەتەلدىك ينۆەستيتسيالار 9 اي ىشىندە 1,5 ملرد دوللارعا نەمەسە 10,9%-عا ءوسىپ, 14,9 ملرد دوللاردى قۇرادى. بۇل رەتتە پورتفەلدىك ينۆەستيتسيالار مەن نەسيەلىك قاراجاتتاردى ەسەپكە العاندا, ەكونوميكاعا تارتىلعان شەتەلدىك ينۆەستيتسيالاردىڭ كولەمى 58 ملرد دوللاردان استى. نەگىزگى كاپيتالعا سالىنعان ينۆەستيتسيالار 13%-عا ارتىپ, 22,7 ترلن تەڭگەنى قۇرادى. ونىڭ ىشىندە مەملەكەتتىك ينۆەستيتسيالار 800 ملرد تەڭگەگە, 5 ترلن تەڭگەگە دەيىن, ال جەكەمەنشىك ينۆەستيتسيالار 2,4 ترلن تەڭگەگە, 17,7 ترلن تەڭگەگە دەيىن ۇلعايدى», دەدى ولجاس بەكتەنوۆ.
ەلىمىزدە تۋريزم سالاسىنا تارتىلعان ينۆەستيتسيا كولەمى ءوستى
وتىرىستا ينۆەستيتسيالىق شتابتىڭ رولىنە دە ايرىقشا ءمان بەرىلدى. 2025 جىلى جالپى قۇنى 115 ملرد دوللار بولاتىن 212 جوبا بويىنشا پروبلەمالىق ماسەلەلەر شەشىمىن تاپقان. بۇل ينۆەستورلار ءۇشىن اكىمشىلىك كەدەرگىلەردى ازايتىپ, جوبالاردى ۋاقتىلى ىسكە اسىرۋعا مۇمكىندىك بەردى.
پرەمەر-مينيستر پرەزيدەنت قويعان مىندەتتەرگە سايكەس ينۆەستورلاردى تارتۋ جۇيەسى جەتىلدىرىلىپ جاتقانىن اتاپ ءوتتى. ينۆەستيتسيالىق جوبالار باستاپقى كەزەڭنەن باستاپ قۇرىلىسى تولىق اياقتالعانعا دەيىن «جاسىل ءدالىز» قاعيداسى بويىنشا سۇيەمەلدەنەدى. وسى باعىتتا بىرقاتار ينستيتۋتسيونالدىق شەشىم قابىلداندى.
ينۆەستيتسيانى ارتتىرۋ جونىندەگى كەڭەس
پرەزيدەنت جارلىعىمەن ينۆەستيتسيالىق ومبۋدسمەننىڭ فۋنكتسيالارى باس پروكۋرورعا جۇكتەلىپ, پروكۋرورلىق قاداعالاۋ ينۆەستورلاردىڭ قۇقىقتىق قورعالۋىن كۇشەيتتى. سونىمەن قاتار بايتەرەك حولدينگى قازاقستاندا ماڭىزدى جوبالاردى ىسكە اسىرۋعا مۇددەلى ينۆەستورلاردى پرواكتيۆتى تۇردە ىزدەستىرۋدى قولعا الدى. ينۆەستيتسيا تارتۋدىڭ سىرتقى كونتۋرىن نىعايتۋ ماقساتىندا ينۆەستيتسيالىق الەۋەتى جوعارى ەلدەردە Kazakh Invest كومپانياسىنىڭ شەتەلدىك وكىلدىكتەرىن اشۋ كوزدەلىپ وتىر.
سەۋلدە «Alatau City» جوباسى تانىستىرىلدى
مەملەكەت باسشىسىنىڭ باستاماسىمەن قۇرىلىپ جاتقان الاتاۋ سيتي قالاسى دا ينۆەستيتسيا تارتۋدىڭ جاڭا ورتالىعىنا اينالماق. كونستيتۋتسيالىق زاڭ جوباسىندا ەرەكشە قۇقىقتىق رەجيم ەنگىزۋ, زاماناۋي باسقارۋ تەتىكتەرى مەن قالا قۇرىلىسىنىڭ جاڭا نورمالارىن قولدانۋ قاراستىرىلعان. ۇكىمەت بۇل باستاما ءىرى ينۆەستورلار ءۇشىن قولايلى ءارى بولجامدى ورتا قالىپتاستىرادى دەپ ەسەپتەيدى.