بۇل تۋرالى ۇكىمەت باسشىسىنىڭ ورىنباسارى – قارجى ءمينيسترى ءاليحان سمايىلوۆ ۇكىمەت وتىرىسىندا ايتتى.
«كوروناۆيرۋس ەپيدەمياسىنىڭ تارالۋى يمپورتقا سالىناتىن قوسىلعان قۇن سالىعىنىڭ كولەمىنە تەرىس اسەرىن تيگىزۋدە. اتاپ ايتقاندا, بيىل اقپان ايىندا قىتايلىق يمپورتتىڭ كولەمى 2019 جىلدىڭ اقپانىمەن سالىستىرعاندا 11 پايىزعا, ال فيزيكالىق كولەمى 27 پايىزعا تومەندەدى», - دەدى ءاليحان سمايىلوۆ ۇكىمەت وتىرىسىندا.
ءاليحان سمايىلوۆ سىرتقى نارىقتا باعالاردىڭ تومەندەۋى دە رەسپۋبليكالىق بيۋدجەتتىڭ كىرىستەرىنىڭ تولىعىمەن ورىندالماۋىنا سەبەپ بولىپ وتىرعانىن ايتتى.
«مىستىڭ باعاسى 6 پايىزعا, اليۋميني 5 پايىزعا, مىرىش 10 پايىزعا, قورعاسىننىڭ 3 پايىزعا تومەندەۋى كورپوراتيۆتىك تابىس سالىعىن تولەمشىلەردىڭ اۆانستىق تولەمدەرىنىڭ ازايۋىنا اسەر ەتتى. سونىمەن بىرگە 18-ءشى دەڭگەيلى بانكتەردەن تۇسىمدەرى 56 پايىزعا ازايدى. سىرتقى تەرىس فاكتورلاردىڭ اسەرىنە قاراماستان قوسىلعان قۇن سالىعى بويىنشا 2019 جىلدىڭ ۇقساس كەزەڭىمەن سالىستىرعاندا 110,5 پايىزدىق ءوسىم قارقىنى قامتاماسىز ەتىلدى», - دەدى ءاليحان سمايىلوۆ.
قىتايدان كەلەتىن يمپورتتىق تاۋارلاردان تۇسەتىن كەدەندىك باجدار مەن سالىقتاردىڭ كولەمى 12 پايىزعا, ياعني 2,1 ملرد تەڭگەگە ازايعان دەپ اتاپ ءوتتى.