ەلىمىزدە ۇكىمەتتىك ەمەس ۇيىمدارعا ارنالعان ەكى ورتا مەرزىمدى مەملەكەتتىك گرانت بەرۋ بويىنشا كونكۋرسقا وتىنىمدەر قابىلداۋ باستالدى, دەپ حابارلايدى Egemen.kz مادەنيەت جانە اقپارات مينيسترلىگىنە سىلتەمە جاساپ.
اتالمىش قولداۋ قوعامدىق كەڭەستەردىڭ الەۋەتىن كوتەرۋگە, جالپىۇلتتىق بىرلىكتى نىعايتۋ جانە حالىقتىڭ قۇقىقتىق ساۋاتتىلىعىن ارتتىرۋ ماقساتىندا ەتنوسارالىق قاتىناستار سالاسىنداعى اقپاراتتىق-ءتۇسىندىرۋ قىزمەتىن دامىتۋعا باعىتتالعان جوبالارعا كورسەتىلەدى.
وتىنىمدەر 2026 جىلعى 18 اقپاننان 18 ناۋرىزدىڭ ساعات 18:30-عا دەيىن, 20 جۇمىس كۇنى ىشىندە قابىلدانادى.
ايتا كەتەيىك, كونكۋرس تۋرالى تولىق اقپارات پەن جوبالارعا قويىلاتىن تالاپتار cisc.kz سايتىنداعى «گرانتتار» – «گرانتتار تۋرالى حابارلاندىرۋلار» بولىمىندە ورنالاستىرىلعان.