اقتوبە وبلىسىنىڭ تەمىر اۋدانىندا جاس مۇعالىمنىڭ ءمايىتى ءۇيىنىڭ اۋلاسىنان تابىلدى. بۇل وقيعا بويىنشا تەرگەۋ جۇمىستارى باستالدى, دەپ حابارلايدى Egemen.kz.
قايعىلى وقيعا ەڭبەكشى اۋىلىندا بولدى. پوليتسيا مالىمەتىنشە, 2002 جىلى تۋعان جاس جىگىتتىڭ ءمايىتى ءۇي اۋلاسىنان تابىلعان.
«تەمىر اۋداندىق پوليتسيا ءبولىمى 2002 جىلى تۋعان جاس جىگىتتىڭ قازا بولۋى فاكتىسى بويىنشا تەرگەۋ جۇرگىزىپ جاتىر. تەرگەۋ بارىسىندا وقيعانىڭ بارلىق ءمان-جايى انىقتالاتىن بولادى. باسقا اقپارات تەرگەۋدىڭ مۇددەسى ءۇشىن جاريالانبايدى», دەپ حابارلادى اقتوبە وبلىستىق پوليتسيا دەپارتامەنتىنىڭ ءباسپاسوز قىزمەتى.
ءبىلىم باسقارماسى قازا بولعان ادامنىڭ تاريح ءپانىنىڭ مۇعالىمى ەكەنىن راستادى.
اتىراۋ وبلىسىندا 10-سىنىپ وقۋشىسىنىڭ ءولىمى تەرگەلىپ جاتىر
«قازا بولعان ادام تاريح ءپانىنىڭ مۇعالىمى بولدى. جۇمىسىن مارجانبۇلاق اۋىلىنان باستاعان. 2025 جىلدىڭ اقپان ايىنان باستاپ ەڭبەكشى اۋىلىنداعى مەكتەپ-بالاباقشادا جۇمىس ىستەدى. مىندەتتەرىنە جاۋاپكەرشىلىكپەن قاراپ, باسشىلىق تاراپىنان وعان ەشقانداي ەسكەرتۋ بولماعان», دەپ حابارلادى ۆەدومستۆو.
ايتا كەتەيىك, جاس مۇعالىم اعاسىنىڭ ۇيىندە تۇرعان, ال اتا-اناسى اقتوبەدە تۇرادى. الدىن الا مالىمەت بويىنشا, بۇل ءوز-وزىنە قول جۇمساۋ جاعدايى بولۋى مۇمكىن.
بەلگىلى كاسىپكەردىڭ ءولىمى: باستى كۇدىكتىگە سوت ۇكىمى شىقتى