ماحامبەت وتەمىس ۇلى اتىنداعى باتىس قازاقستان ۋنيۆەرسيتەتى جانىنان جاڭا سپورت سارايى اشىلدى دەپ حابارلايدى Egemen.kz.
جالپى اۋدانى 1386 شارشى مەتردى قۇرايتىن ەكى قاباتتى نىسان ۋنيۆەرسيتەتتىڭ ءوز قاراجاتى ەسەبىنەن سالىنعان. ستۋدەنتتەردىڭ پراكتيكالىق دايارلىعىن ارتتىرىپ, جاستار اراسىندا دەنە شىنىقتىرۋ ءىسىن دامىتۋعا ۇلەس قوساتىن كەشەننىڭ اشىلۋىنا وبلىس, قالا باسشىلارى كەلدى.
جاڭا سپورت سارايىنىڭ ءبىرىنشى قاباتىندا اۋىر اتلەتيكاعا ارنالعان جابدىقتار, جالپى دەنە دايىندىعى جانە گيمناستيكا قامتىلعان كوپفۋنكتسيونالدى سپورت زالى ورنالاسقان. ستۋدەنتتەرگە قولايلى جاعداي جاساۋ ءۇشىن مۇندا كيىم اۋىستىرۋ بولمەلەرى, جۋىناتىن بولمەلەر, اجەتحانا, جەكە شكافتار مەن قوسىمشا ينفراقۇرىلىم جۇمىس ىستەپ تۇر.
ال ەكىنشى قاباتتا كۇرەس زالى, بوكس رينگى, گيمناستيكا زالى جانە جالپى دەنە دايىندىعىنا ارنالعان قوسىمشا ايماقتان تۇراتىن وقۋ-جاتتىعۋ بلوگى بار.
سونىمەن قاتار مۇندا وقىتۋشىلار قۇرامى ءۇشىن دەربەس كيىم اۋىستىرۋ بولمەلەرى مەن قىزمەتتىك كابينەتتەر جاساقتالعان.
«جاڭا سپورت سارايىىمىز ۋنيۆەرسيتەتتىڭ ماتەريالدىق-تەحنيكالىق بازاسىن ەداۋىر كەڭەيتىپ, ءبىلىم بەرۋ باعدارلامالارىن ىسكە اسىرۋعا, ستۋدەنتتەردىڭ پراكتيكالىق دايارلىعىن ارتتىرۋعا جانە دەنە شىنىقتىرۋدى جۇيەلى دامىتۋعا زاماناۋي جاعداي جاسايدى», دەيدى جوو رەكتورى, پروفەسسور نۇرلان سەرعاليەۆ.