ۇلتتىق ەكونوميكا ءمينيسترى رۋسلان دالەنوۆ قازاقستاننىڭ ەڭ كوپ ينۆەستيتسيا سالىنىپ جاتقان ءوڭىردى اتادى. بۇل تۋرالى مينيستر ۇكىمەت وتىرىسىندا ايتتى.
«وسى جىلعى قاڭتار-اقپان ايلارىندا ەكونوميكاعا 1,5 ترلن تەڭگە ينۆەستيتسيالاندى. سالىنعان ينۆەستيتسيالاردىڭ جارتىسى اتىراۋ وبلىسىنا تيەسىلى», - دەدى رۋسلان دالەنوۆ ۇكىمەت وتىرىسىندا.
ءمينيستردىڭ ايتۋىنشا وڭىرلەر بۇعان دەيىن قول قويىلعان مەموراندۋمدارعا سايكەس ءىرى ينۆەستيتسيالىق جوبالاردى ىسكە اسىرۋ مونيتورينگىن كۇشەيتۋى قاجەت.
«وڭدەۋ سەكتورىندا 9,4 پايىزدىق دەڭگەيدە وسىمگە قول جەتكىزىلدى. 5 وڭىردە ورتاشا رەسپۋبليكالىق دەڭگەيدەن جوعارى ءوسىم بايقالادى. 12 وڭىردە ورتاشا رەسپۋبليكالىق دەڭگەيدەن تومەن ءوسىم تىركەلدى. ونىڭ ىشىندە 1 ءوڭىر بويىنشا تومەندەۋ بايقالادى», - دەدى ۇلتتىق ەكونوميكا ءمينيسترى رۋسلان دالەنوۆ.