تۇركيا ەۋرووداقپەن شەكاراسىن اشتى

تاپسىرما بەرىلگەن العاشقى كۇنى-اق 18 000 بوسقىن مەملەكەتتەن شىعىپ ۇلگەردى. كۇن سايىن 10 000-عا جۋىق ادام شەكارا اسىپ جاتىر. «انادولى» اگەنتتىگى بۇل كورسەتكىش­تىڭ وسە بەرەتىنىن بولجاپ وتىر. ويت­كەنى قازىرگى كەزدە تۇركيا ۇكىمەتى سيريانىڭ سولتۇستىك-شىعىسىندا اسكەري وپەراتسيا جۇرگىزىپ جاتىر.

ەردوعاننىڭ ايتۋىنشا, ەلدە شامامەن 3,7 ملن سيريالىق بار. وسىعان وراي تۇركيا ەۋرووداقتى ميگراتسيا­مەن بايلانىس­تى كەلىسىمىن ورىنداماعانى­ ءۇشىن ايىپتاپ وتىر. «مەم­لەكەت بوسقىندار­دى بۇدان ارتىق اسىراي المايدى. بىزگە ميگراتسياعا قاتىستى كومەك بەرىل­مەيدى», دەيدى ر.ەردوعان. پرەزي­دەنت بۇعان دەيىن دە شەكارانى اشاتىنىن حابارلاعان بولاتىن, الايدا باسقا ەلدەر ول مالىمدەمەگە سەنە قويمادى. ول وسىنشا بوسقىنداردى قابىلداپ, پانا بەرۋگە مىندەتتى ەمەس ەكەنىن دە ەسكەرتتى. تۇركيانىڭ ادىلەت جانە دامۋ پارتياسىنىڭ ءباسپاسوز حاتشىسى دا ميگراتسيا ساياساتىنا وڭ كوزقاراستاعى مەملەكەت ەكەنىن, الايدا بۇدان بىلاي تۇركيا بوسقىنداردىڭ جاڭا لەگىن قابىلداي المايتىنىن مالىمدەدى.

بوسقىنداردىڭ العاشقى توبى تۇر­كيا­نىڭ گرەكيامەن شەكتەسەتىن بولىگىنە كەلىپ, شەكارانىڭ اشىلعانىن كۇتتى. مەملەكەت شەتى تىنىش ەمەس. ءتۇرلى قاق­تىعىستار, پوليتسيامەن جانجال دا بولىپ تۇرادى. گرەكيا تاراپى دا قارۋلى كۇشتەرىن جۇمىل­دىرىپ, ءتىپتى اسكەري تەحنيكالارىن دايىن­داعان. گرە­كيا ۇكىمەتىنىڭ مالىمەتىنە سەنسەك, شەكارا اشىلعان كۇنى 4 مىڭ بوسقىندى كەرى قايتار­عان. تۇركيانىڭ گرەكيادان بولەك بول­گاريا­مەن دە شەكتەسەتىنىن ەسكەرسەك, ءدال وسىنداي جاعداي بولگاريادا دا قايتالانىپ جاتىر.

ەۋرووداق ازىرگە ەشقانداي جاۋاپ بەرمەدى. ەۋروپالىق باق بريۋسسەلدە ماسەلەنىڭ تالقىلانىپ جاتقانىن حابار­لادى. دەگەنمەن فرانتسيا گرە­كيا مەن بولگارياعا شەكارالارىن قور­عاۋعا كومەكتەسۋگە ءازىر ەكەنىن جەتكىزدى.

گرەكيا ۇكىمەتىنىڭ رەسمي وكىلى ستە­ليوس پەتساس وقيعا ۇلتتىق قاۋىپسىز­دىككە قاۋىپ ءتوندىرىپ تۇر دەيدى. ال گرە­كيا پرەمەر-ءمينيسترى كيرياكوس مي­تسوتاكيس شەكارانى زاڭسىز بۇزباق بولعاندارعا شارا قول­دانىلاتىنى تۋرالى مالىمدەدى.  «گرە­كيا سيرياداعى جاعداي ءۇشىن جاۋاپ بەرمەيدى. وعان قاتىسى جوق. سوندىقتان ولار ءۇشىن شىعىندالمايدى», دەيدى ۇكىمەت باسشىسى. سونىمەن قاتار ول گەرمانيا كانتس­لەرى انگەلا مەركەلدى, ەۋرووداق­تىڭ باسشىلىعىن, وداققا مۇشە مەم­لەكەتتەردىڭ باسشىلارىن ورىن العان جاعداي تۋرالى ەسكەرتكەن.

بولگاريا سىرتقى ىستەر ءمينيسترى كراسي­مير كاراكاچانوۆ شەكارا­عا 1000 سارباز مەن تەحنيكانى جىبە­رەتىنىن, كوروناۆيرۋستىڭ اسەرىنەن تاعى دا ءبىر ميگراتسيالىق داعدارىس بولادى دەگەن بولجامىن ايتتى.  

تۇركيا مەن ەۋرووداق 2016 جىلى ميگ­را­تسيالىق داعدارىستى توقتاتۋ ءۇشىن سەرىك­تەستىك ورناتۋعا كەلىسكەن بولا­تىن. وداق قارجىلاي كومەك بەرە­تىنىن ايتىپ, انكارا ەۋروپاعا كەتىپ ۇلگەرگەن سيريالىقتاردى كەرى قايتارۋعا كەلىسىمىن بەردى.

ال تۇركيا مەن سيريا اراسىنداعى دەپ  «كوكتەم قالقانى» اسكەري وپەرا­تسيا­­سى­نان كەيىن شيە­لەنىس ۇدەپ كەتتى. ەس­تەرىڭىزدە بولسا, 28 اقپاندا انكارا سيريا­لىق اسكەر سوق­قىسىنان تۇرىك جاۋىن­گەرى قازا تاپقانىن مالىمدەگەن بولا­تىن. ەكى ەل قاقتىعىسىنا رەسەي دە قوسىلىپ, سۋ-24 بومبالاۋشىسىمەن كمي­ناس پەن نايراب دەپ اتالاتىن سيريا بەكەت­تەرىن باسىپ كىرگەن تۇرىك اسكەرىنە سوق­قى جاسادى. ودان كەيىن تۇركيا باشار اسادتىڭ پارلامەنتتىك سايلاۋ تۋرا­لى مالىمدەمەسىن قابىل­داماي وتىر. ان­كا­رانىڭ ايتۋىنشا, كەزەكتى سايلاۋ سيريا ءۇشىن دە, تۇركيا ءۇشىن دە, ءتىپتى حالىق­ارا­لىق ۇيىمدار ءۇشىن دە زاڭسىز بولماق.