ۇلتىمىزدىڭ ىسمەر ايەلدەرىنىڭ باعزىدان كەلە جاتقان ءبىر ونەرى – تىگىنشىلىك. وسىناۋ ەجەلگى كاسىپتى ەسكە سالىپ, وسكەلەڭ ۇرپاقتى كوركەمدىك مەكتەبىنەن وتكىزۋ ماقساتىندا شىمكەنتتە «كورپە Fest» مەگافەستيۆالى باستالدى.
سالت-ءداستۇر مەرەكەسىنە قالا اكىمىنىڭ ورىنباسارى الماسبەك مامىتبەكوۆ ارنايى كەلىپ, قاتىسۋشىلارعا ساتتىلىك تىلەدى.
«كورمە» ورتالىعىندا ۇيىمداستىرىلعان ءىس-شاراعا كوپ بالالى انالار جانە تىگىن تىگىپ, ءوز كاسىپكەرلىگىن باستاۋعا نيەت بىلدىرگەن 300-گە تارتا قىز-كەلىنشەك قاتىستى. ولار 6 ناۋرىزعا دەيىن كورپە, قۇراق قۇراۋ جانە وزگە دە قولونەر بۇيىمدارىن جاساۋدىڭ قىر-سىرىن ۇيرەنەدى.
ال اقىسىز شەبەرلىك ساعاتتارىن ەل پرەزيدەنتىنىڭ «التىن ساپا» سىيلىعىنىڭ جەڭىمپازى, «قۇرمەت» وردەنىنىڭ يەگەرى, رەسپۋبليكالىق اقپاراتتىق اعارتۋ ۇگىت-ناسيحات شتابىنىڭ ءتورايىمى ىرزا تۇرسىنزادا وتكىزەدى. بۇل ءىس-شارا قىز-كەلىنشەكتەرگە ۇلتتىق قولونەردى عانا ۇيرەتىپ قويماي, ايەلدەر اراسىنداعى جۇمىسسىزدىقتى دا ازايتپاق.
ءۇش كۇندىك فەستيۆالدە كورمە-بايقاۋ جەڭىمپازدارىنا سىيلىقتار, سەمينارعا قاتىسۋشىلارعا ارنايى سەرتيفيكات جانە «امانات» الەۋمەتتىك باعدارلاماسىن جۇزەگە اسىرۋ ماقساتىندا تاعايىندالعان «امانات» سىيلىعى تاپسىرىلادى.
شىمكەنت