شىمكەنتتىڭ ىرگەسىندەگى تۇران شاعىناۋدانىندا قۇرىلىس جۇمىستارى قارقىندى جۇرگىزىلۋدە. الداعى ءۇش جىلدا جاڭا شاعىناۋداندا مەملەكەتتىك بيۋدجەت ەسەبىنەن جالپى اۋدانى 1296 مىڭ شارشى مەتردى قۇرايتىن 384 ءۇي (18 869 پاتەر) سالۋ جوسپارلانعان. ونىڭ ىشىندە بيىل 88 ءۇي (5 576 پاتەر) سالىنادى.
وسىعان وراي قالا اكىمى مۇرات ايتەنوۆ تۇران شاعىناۋدانىندا سالىنىپ جاتقان كوپ قاباتتى ۇيلەردىڭ جۇمىسىمەن تانىستى.
بۇگىنگى تاڭدا 42 ءۇيدىڭ مەردىگەرلەرى انىقتالىپ, ونىڭ 20-دا قۇرىلىس باستالدى. 26 ءۇيدىڭ جوبالاۋ-سمەتالىق قۇجاتتاماسى ازىرلەنگەن. قالعان 20 ءۇيدىڭ جوبالاۋ-سمەتالىق قۇجاتتاماسىن ازىرلەۋگە مەملەكەتتىك ساتىپ الۋ كونكۋرسى جاريالاندى.
قالا اكىمى سودان كەيىن اسار-2 شاعىناۋدانىندا سالىنىپ جاتقان 1200 ورىندى مەكتەپتىڭ قۇرىلىسى باسىنا باردى. جوبا بويىنشا بۇل مەكتەپتىڭ قۇرىلىسى بيىلدىڭ سوڭىنا دەيىن ءبىتۋى ءتيىس. دەگەنمەن, قالا اكىمى م.ايتەنوۆ مەردىگەر كومپانياعا نىساندى ودان ەرتەرەك اياقتاۋدى, سونداي-اق, ءتيىستى ماماندارعا ينجەنەرلىك ينفراقۇرىلىم ماسەلەسىن شەشۋ جولدارىن قاراستىرۋدى تاپسىردى. جالپى, شاھار باسشىسى كەز كەلگەن قۇرىلىستا ساپانىڭ جوعارى دەڭگەيدە بولۋىن تالاپ ەتتى.
شىمكەنت