شىمكەنتتە كوكتەمگى تازالىق جۇمىستارىنا وراي قالا اكىمى مۇرات ايتەنوۆتىڭ قاتىسۋىمەن جالپىقالالىق سەنبىلىك ءوتتى. تازالىق ءىس-شاراسىنا اباي, ءال-فارابي, ەڭبەكشى جانە قاراتاۋ اۋداندارىنىڭ تۇرعىندارى, مەملەكەتتىك قىزمەتشىلەر, جوو-نىڭ ستۋدەنتتەرى جانە ەرىكتىلەردى قامتىعان 46 مىڭنان اسا ادام اتسالىستى.
ءۇشىنشى مەگاپوليس باسشىسىنىڭ باستاماسىمەن ناۋرىز مەرەكەسى قارساڭىندا ۇيىمداستىرىلعان شارادا قالا اۋماعى قوقىستان تازارتىلىپ, كوشەت وتىرعىزىلدى.
«قالامىزدىڭ اتىنىڭ ءوزى قايىرىمدىلىق ۇعىمىن ايتىپ تۇرعانداي. تمد ەلدەرىنىڭ مادەني استاناسى جىلىنا وراي قالا كوشەلەرى تازارتىلۋدان تىسكوپقاباتتى تۇرعىن ۇيلەردىڭ سىرتقى قاسپەتى جوندەۋدەن وتكىزىلۋدە. بۇعان جەرگىلىكتى كاسىپكەرلەر مەن ەرىكتىلەر ءوز ۇلەستەرىن قوسۋدا», دەدى مۇرات دۇيسەنبەك ۇلى.
بۇگىنگى جالپىقالالىق سەنبىلىككە 60-تان استام ارنايى تەحنيكا جۇمىلدىرىلدى. بارلىعى 210 345 شارشى مەتر اۋماقتان 295 تەكشە مەتر قوقىس قالا سىرتىنا شىعارىلىپ, 385,4 مەتر يرريگاتسيالىق ارىق, 31 271 شارشى مەتر جول جيەگى تازالاندى. سونىمەن قاتار, جاسىل جەلەكتى ءتۇرلى زيانكەستەردەن قورعاۋ ماقساتىندا 8160 اعاش əكتەلىپ, ن.نازارباەۆ داڭعىلى, ارعىنبەكوۆ, جانگەلدين كوشەلەرىنە, قوشقار اتا وزەنى مەن دەندروساياباققا 6000-عا جۋىق كوشەت وتىرعىزىلدى.